တောင်တရုတ် ပင်လယ်ပြင်တွင် ဒီဇင်ဘာလ ၅ ရက်နေ့က အမေရိကန်နှင့် တရုတ် စစ်သင်္ဘောတို့ တိုက်မိလုနီးပါး ဖြစ်ပွားခဲ့သည့် ကိစ္စနှင့် ပတ်သက်၍ တရုတ် စစ်သင်္ဘော၏ တာဝန်မဲ့သော လုပ် ရပ် ဖြစ်ကြောင်း အမေရိကန် ကာကွယ်ရေးဝန်ကြီး ချော့ခ်ဟေဂယ်က ပြောကြားလိုက်ကြောင်း BBC သတင်းတွင် ဖော်ပြထားသည်။
တောင်တရုတ် ပင်လယ်တွင် လုပ်ငန်း တာဝန် ထမ်းဆောင်နေသော အမေရိကန် USS Cowpens သင်္ဘောရှေ့မှ တရုတ်စစ်သင်္ဘော ဖြတ်သွားခြင်းသည် ပြဿနာ ဖြစ်ရန် မီးမွှေးခြင်းပင် ဖြစ်ကြောင်း အမေရိကန် ကာကွယ်ရေးဝန်ကြီး ချော့ဟေဂယ်က ဆိုသည်။
အဆိုပါ ဖြစ်ရပ်နှင့် ပတ်သက်၍ တရုတ်ဘက်က ပြောကြားရာတွင် အမေရိကန် စစ်သင်္ဘောက တရုတ် လေယာဉ်တင်သင်္ဘော လျှိုနင်းကို ရန်စသည့် လုပ်ရပ် ဖြစ်ကြောင်း တရုတ်အစိုးရ၏ အာဘော်သတင်း စာဖြစ်သော Global Times သတင်းတွင် ဖော်ပြထားသည်။
ဒီဇင်ဘာလ ၅ ရက်နေ့တွင် ပဲ့ထိန်း ဒုံးကျည် တပ်ဆင်ထားသော အမေရိကန် ခရုစ်သင်္ဘောရှေ့ ကိုက် ၁၀၀ (ပေ ၃၀၀) အကွာမှ တရုတ် လေယာဉ်တင်သင်္ဘော ဖြတ်သွားခြင်း ဖြစ်သည်။
အမေရိကန် စစ်သင်္ဘော USS Cowpens သည် တောင်တရုတ် ပင်လယ်တွင်းရှိ နိုင်ငံတကာ ရေပိုင်နက်တွင် လုပ်ငန်း တာဝန်များ လုပ်ဆောင်နေခြင်း ဖြစ်ကြောင်း အမေရိကန် စစ်တပ်က ပြောကြားထားသည်။
တောင်တရုတ် ပင်လယ်သည် တရုတ်နှင့် အရှေ့တောင်အာရှ နိုင်ငံ အချို့အကြား ပိုင်နက် အငြင်းပွားနေသော နေရာဖြစ်ပြီး တရုတ်က ၎င်းတို့ပိုင်သည်ဟု တောင်းဆိုထားသော ရေပြင်ပိုင်နက်မှာ ဖိလစ်ပိုင်၊ ဗီယက်နမ်၊ ဘရူနိုင်းနှင့် မလေးရှား နိုင်ငံများ၏ အထူးစီးပွားရေး ရေပြင် ဧရိယာများထိ ပါဝင်လျက်ရှိသည်။
ယခုကဲ့သို့ အမေရိကန်နှင့် တရုတ် စစ်သင်္ဘောတို့ တိုက်မိလုနီးပါး ဖြစ်ရပ်သည် ၂၀၀၉ ခုနှစ်က တရုတ်-အမေရိကန် သင်္ဘောများ ထိပ်တိုက် တွေ့ဆုံမှုနောက်ပြီး အကြီးမားဆုံးသော ဖြစ်ရပ် ဖြစ်သည်။
တရုတ်နိုင်ငံ၏ ပထမဆုံးသော လေယာဉ်တင်သင်္ဘော လျှိုနင်းသည် အရှေ့တောင်အာရှ နိုင်ငံများနှင့် ပိုင်နက် အငြင်းပွားနေသော တောင်တရုတ် ပင်လယ်ပြင်သို့ ပထမဆုံးအကြိမ် လေ့ကျင့်သွားလာစဉ် ယခု ဖြစ်ရပ် ဖြစ်ပွားခြင်း ဖြစ်သည်။
The Voice Weekly
No comments:
Post a Comment