အဂတိလိုက်စားမှု တိုက်ဖျက်ရေး ပီပီပြင်ပြင်ဖြစ်လာဖို့

နိုင်ငံတော်သမ္မတ ဦးသိန်းစိန်က သန့်ရှင်းသောအစိုးရ၊ ကောင်းမွန်သော အုပ်ချုပ်ရေးဖြစ်ရေးကို ကတိပြု ခဲ့သည်နှင့်အညီ အုပ်ချုပ်ရေးယန္တရားအတွင်း အဂတိလိုက်စားခဲ့သော ၀န်ထမ်းများကို ထုတ်ပယ်ပစ်သကဲ့ သို့တာဝန်ရှိသော ပြည်ထောင်စုအဆင့်ဝန်ကြီးများကိုပင် ရာထူးမှဖယ်ရှားခဲ့သည်များကို တွေ့ရှိရပါသည်။
အဂတိလိုက်စားမှု တိုက်ဖျက်ရေးဥပဒေကို ၂၀၁၃ ခုနှစ် သြဂုတ်လ (၈)ရက်တွင် ပြည်ထောင်စု လွှတ် တော်က ပြဋ္ဌာန်းနိုင်ခဲ့ပြီ ဖြစ်သည်။

ယင်းဥပဒေ အာဏာမတည်မီကပင် လာဘ်ပေးလာဘ်ယူမှု အရေးယူ ဆောင်ရွက်ရေးကော်မတီကို ဒုတိယသမ္မတ ဒေါက်တာစိုင်းမောက်ခမ်း ဦးဆောင်ကာ အစိုးရက ၂၀၁၃ခုနှစ် ဇန်န၀ါရီလ (၈) ရက်တွင် ဖွဲ့စည်းပေးခဲ့သည်။ ယင်းကော်မတီဖွဲ့စည်းပြီး ၂၀၁၃ခုနှစ် ဖေဖော်ဝါရီလအတွင်း အကောက်ခွန်ဝန်ထမ်း (၁၆) ဦးကို အငြိမ်းစားပေး အရေးယူခဲ့သည်။

“လာဘ်ပေးလာဘ်ယူမှုသည် ယခင်က အစိုးရ၀န်ကြီးဌာနများတွင်သာ သာမန်အားဖြင့် တွေ့ရသော်လည်း၊ ယခုအခါ နိုင်ငံဖွံ့ဖြိုးရေးလုပ်ငန်းများ၊ လက်နက်ကိုင် ပဋိပက္ခဖြစ်သောဒေသနှင့် သဘာဝဘေး အန္တရာယ်ခံစားနေရသော ဒုက္ခသည်များကို နိုင်ငံတကာမှ လှူဒါန်းကူညီမှုများအား အလွဲသုံးစားလုပ်ခြင်း ကြုံတွေ့နေရသည်” ဟု ဒုတိယသမ္မတ ဒေါက်တာစိုင်းမောက်ခမ်းက ယခုနှစ် ဇူလိုင်လတွင် ပြုလုပ်သော လာဘ်ပေးလာဘ်ယူမှု အရေးယူဆောင်ရွက်ရေးကော်မတီ အစည်းအဝေးတွင် ပြောခဲ့ဖူးသည်။

    ကမ္ဘာတစ်လွှား အဂတိလိုက်စားမှု ဆိုးဝါးဆုံးသော နိုင်ငံများစာရင်း ထုတ်ပြန်လေ့ရှိသည့် ဂျာမနီနိုင်ငံ၊ ဘာလင်အခြေစိုက် Transparency International ၏ ၂၀၁၃ ခုနှစ် အစီရင်ခံစာတွင် မြန်မာနိုင်ငံ၏ အဆင့်သည် ယမန်နှစ်က (၅) တွင်ရှိရာမှ ၁၅ ဆင့် တိုးတက်ကာ အဆင့် ၂၀ တွင် ဖော်ပြခြင်းခံရသည်။

    သို့သော် အဂတိလိုက်စားမှုနှင့် လာဘ်ပေးလာဘ်ယူမှု တိုက်ဖျက်ရေးကို သိသာထင်ရှားစွာ လုပ်ဆောင် နိုင်သည့် အခြေအနေတွင် ပြည်သူလူထုအနေဖြင့် ယုံကြည်ကိုးစားလောက်သော အဆင့်သို့ရောက်ပြီဟု မဆိုနိုင်သေးပေ။ ထို့အပြင် UN Convention Against Corruption (UNCAC) ကို မြန်မာနိုင်ငံက ၂၀၀၅ ခုနှစ်တွင် ပါဝင်လက်မှတ်ရေးထိုးခဲ့သော်လည်း ယခုအချိန်အထိ အတည်ပြုနိုင်ခြင်း မရှိသေးပေ။

    သန့်ရှင်းသော အစိုးရနှင့် ကောင်းမွန်သော အုပ်ချုပ်ရေးဖြစ်အောင် လုပ်ဆောင်နေစဉ်အတွင်း အဂတိလိုက်စားမှုတိုက်ဖျက်ရေး ဥပဒေရှင်သန်အောင် လုပ်ဆောင်မှု များများစားစားမရှိသေးဟု သတိပြုမိပါ သည်။ ဤဥပဒေ ရှင်သန်ရေးအတွက် အရေးပါသောကော်မတီနှင့် ဌာနဆိုင်ရာများက ထက်မြက်စွာ လုပ်ဆောင်နိုင်မှုသည် အရေးကြီးသည်ဟု ထင်မြင်ယူဆပါသည်။ အထူးသဖြင့် အဂတိလိုက်စားသူများ ကို ထိထိရောက်ရောက် အရေးယူရာတွင် ပွင့်လင်းမြင်သာမှုရှိစွာဖြင့် ပြည်သူလူထုသိရန် အချက်အလက်များကို ထုတ်ပြန်ပေးရန် လိုအပ်သလို၊ အဂတိ လိုက်စားသူမှန်သမျှ မည်သူ့ကိုမဆို ရာထူးမှ ဖယ်ရှား၊ တာဝန်မှရပ်စဲခြင်းများ သာမက၊ ထောင်ဒဏ်၊ ငွေဒဏ်များအပြစ်ပေးပြီး ထိရောက်စွာ အရေးယူမှုကို ပြု လုပ်သင့်ပေသည်။ အဂတိလိုက်စားမှုသည် နိုင်ငံအတွက်နစ်နာစေသည်သာမက ပြည်သူတစ်ဦးချင်းစီ၏ အုပ်ချုပ်မှုယန္တရားအပေါ် ယုံကြည်မှု ပျက်ပြားစေသည်။

    ဗဟိုချုပ်ကိုင်မှုစနစ် လက်ရှိကျင့်သုံးနေသော တရုတ်နိုင်ငံတွင်ပင်လျှင် အဂတိလိုက်စားမှုအား အုပ်ချုပ်မှု အထက်အဆင့်များတွင်ပင် အရေးယူမှုများပြုလုပ်နေပြီ ဖြစ်သည်။ ပြည်နယ် ပြည်သူ့ကွန်ဂရက် အမတ် (၅၆)ဦးကို ရွေးချယ်တင်မြှောက်ပေးရေး အကြောင်းပြု၍ လာဘ်ငွေ ယွမ် ၁၁၀ မီလီယံ (အမေရိကန်ဒေါ် လာ ၁၈ သန်း) ရယူခဲ့ကြောင်း စစ်ဆေးပေါ်ပေါက်သဖြင့် ယူနန်ပြည်နယ် ဒုတိယမြို့တော် ဟန်ယန်းမှ မြူနီစပယ်အရာရှိပေါင်း (၅၁၂)ဦးကို ရာထူးမှထုတ်ပယ်ခဲ့ကြောင်း ဒီဇင်ဘာလ ၂၈ ရက် ဆင်ဟွာသတင်းတွင် ဖတ်လိုက်ရသည်။

အဂတိလိုက်စားမှုတိုက်ဖျက်ရေး အရှိန်မြှင့်ဆောင်ရွက်လာသည့် တရုတ်သမ္မတ ရှိကျင်ပင် လက်ထက် တွင် အဂတိလိုက်စားသော အဆင့်မြင့် “ကျား” များမှ အဆင့်နိမ့် “ယင်ကောင်များ” အထိ ဖော်ထုတ် ရှင်းလင်းမည်ဟု သမ္မတက ကတိပြုထားသည်။

အထက်ပါဖြစ်ရပ်တွင် ပြည်သူ့ကွန်ဂရက် ကိုယ်စားလှယ်များကို ရွေးချယ်ခန့် ထားနိုင်သည့် အာဏာရှိ သော မြူနီစပယ်အရာရှိများနှင့် ၎င်းတို့၏ ၀န်ထမ်းများကို ပြည်နယ်ကွန်ဂရက် အမတ်ဖြစ်လိုသူများက လာဘ်ငွေပုံအောပေးသည့် ဆိုးရွားသော လာဘ်ပေးလာဘ်ယူမှုဖြစ်ရပ်ဟု မှတ်ချက်ပြုသကဲ့သို့ လာဘ် ငွေပေးသည့် ကိုယ်စားလှယ် (၅၆)ဦးကိုလည်း ထုတ်ပစ်ခဲ့သည်။

 မြန်မာနိုင်ငံတွင် အဂတိလိုက်စားမှု တိုက်ဖျက်ရေးကို အစိုးရအနေဖြင့် ယခုထက်ပိုမိုပြီး လက်တွေ့ကျ ကျအရေးယူမှုများ လုပ်ဆောင်လာစေရန် လိုအပ်နေသေးသည်။ ပြည်သူတို့အနေဖြင့် မိမိတို့သိရှိထားသည့် အဂတိလိုက်စားသည့် အချက်အလက်များ၊ လူပုဂ်္ဂိုလ်များ၊ အကြောင်းအရာများအား သက်ဆိုင်ရာ လာဘ်ပေးလာဘ်ယူမှု အရေးယူဆောင်ရွက်ရေး ကော်မတီထံသို့ အာဃာတ၊ အငြိုးအတေး ကင်းစွာ၊ လွတ်လွတ်လပ်လပ်ဖြင့် အချက်အလက်များ ပေးပို့ရန် လိုအပ်သလို၊ အစိုးရအနေဖြင့်လည်း ပြည်သူများ ထိုသို့ပေးပို့နိုင်ရန် လိုအပ်သည့် အခြေအနေများကို ဖန်တီးပေးရန်လိုအပ်သည်။ Whistle Blowers(ကနဦး ဖော်ထုတ်သူ) များအား ကာကွယ်ပေးသည့် ဥပဒေကဲ့သို့ သတင်းပေးဖော်ထုတ်သူ များအား ဥပဒေကြောင်းအရ အကာအကွယ်ပေးရန် လိုအပ်ပေသည်။

Mizzima - News in Burmese