ရွှေနိုင်ငံ: မန္တလေးတွင် သံဖရိန်ဖြင့် အဆောက်အအုံ ဆောက်လုပ်မှု များပြားလာ၍ လက်သမားလုပ်ငန်း လုပ်ကိုင်သူများ ၀င်ငွေလျော့နည်းလာ

Monday, 13 May 2013

မန္တလေးတွင် သံဖရိန်ဖြင့် အဆောက်အအုံ ဆောက်လုပ်မှု များပြားလာ၍ လက်သမားလုပ်ငန်း လုပ်ကိုင်သူများ ၀င်ငွေလျော့နည်းလာ

သံဖရိန်ဖြင့် တည်ဆောက်လျက်ရှိသော အဆောက်အအုံ တစ်ခုအား တွေ့ရစဉ်

မန္တလေးမြို့ရှိ ဆောက်လုပ်ရေး လုပ်ငန်းများတွင် သံဖရိန်ဖြင့် အဆောက်အအုံ ဆောက်လုပ်မှု များပြား လာခြင်းကြောင့် လက်သမားလုပ်ငန်း လုပ်ကိုင်သူတို့ အလုပ်ပါးလာပြီး ၀င်ငွေလျော့ နည်း လာကြောင်း ဆောက်လုပ်ရေးလုပ်ငန်း လုပ်ကိုင်သူများထံမှ စုံစမ်းသိရသည်။

ဆောက်လုပ်ရေး လုပ်ငန်းများတွင် ယခင်က အာရ်စီတိုက်နှင့် နံကပ်တိုက် အဆောက် အဦးများ ဆောက်လုပ် ရာ၌ ပုံရိုက်ခြင်းနှင့် ကွန်ကရစ် ပြင်လောင်းရာတွင် သစ်သားများ အသုံးပြုပြီး ဆောက်လုပ်ခဲ့ရာမှ ယခုအခါ သံဖရိန်၊ သံငြမ်းများ အသုံးပြု ဆောက်လုပ်လာခြင်းကြောင့် လက်သမားလုပ်ငန်း လုပ်ကိုင်သူများ ၀င်ရောက် လုပ်ကိုင်ရမှု လျော့နည်းလာခဲ့ကြောင်း သိရသည်။

''အခုဆိုရင် မန္တလေးမှာ သံဖရိန်နဲ့ သုံးထပ်အထိ ဆောက်တာတွေ ရှိနေပြီ။ နိုင်ငံတကာမှာ ကြယ်ငါးပွင့် အဆင့်ရှိတဲ့ ဟိုတယ်တွေမှာလည်း သံဖရိန်နဲ့ ဆောက်တာတွေရှိပါတယ်။ နည်းပညာနဲ့ အရည်အသွေး မီဖို့တော့ လိုတယ်။ သံအရည်အသွေး မမီဘူးဆိုရင် မီးအပူဒဏ်ကြောင့် ကွေးညွတ်ပြီး ဟန်ချက်မညီတာ မျိုးတွေ ဖြစ်လာနိုင်တဲ့အတွက် အန္တရာယ် များလာနိုင်တယ်''ဟု ဆောက်လုပ်ရေးလုပ်ငန်း လုပ်ကိုင်နေသူ အင်ဂျင်နီယာ ကိုရဲစိုးက ပြောသည်။

''သံဖရိန်နဲ့ ဆင်ပြီးသွားရင် ပန်းရန်ပိုင်း တန်းဝင်ရုံဆိုတော့ အကြမ်းထည်အဆင့်က ခဏလေးနဲ့ ပြီးသွားတယ်။ သံဖရိန်နဲ့ ဆောက်တာတွေ ဒီထက်မက များလာမယ် ဆိုရင်တော့ လက်သမားလုပ်ငန်း လုပ်ကိုင်ရမှု မရှိသလောက် လျော့နည်းသွားနိုင်တယ်'' ဟု လက်သမားလုပ်ငန်း လုပ်ကိုင်လျက်ရှိသူ တစ်ဦးက ပြော သည်။

သစ်သားဖြင့် ဆောက်လုပ်ရာတွင် အချိန်တစ်လခန့် ကြာမြင့်မည်ဆိုပါက သံဖရိန်ဖြင့်ဆောက် လုပ်ရာတွင် ရက် ၂၀ ခန့်သာ ကြာမြင့်သဖြင့် လက်သမားခ၊ အလုပ်သမားခ၊ ဈေးနှုန်းနှင့် အချိန်ကုန် သက်သာစေခြင်း တို့ကြောင့် အစားထိုး ဆောက်လုပ်မှုများ တဖြည်းဖြည်း များပြားလာခဲ့ကြောင်း သိရသည်။

From...Eleven

No comments:

Post a Comment

Subscribe to: Post Comments (Atom)