တောင်သမန်အင်း သေဆုံးခြင်း

လေအဝေ့တွင် ပုပ်အဲ့အဲ့ငါးညှီနံ့က ထောင်းထောင်း ထလာသည်။ ရန်ကုန်-မန္တလေးလမ်းမဘက်မှ ကွေ့ဝင်လာပြီး မိနစ်ပိုင်းမျှ ဆိုင်ကယ်မောင်းနှင်လိုက်သည်နှင့် မည်စည်ပင်အုပ်အုပ်ကြီးများရှိသော တောင်သမန်အင်းစောင်းကို ရောက်သည်။ အမြဲနေထိုင်သူများအတွက် ထူးခြားမှုမရှိသော်လည်း တောင်သမန်အင်းရေပြင်ကို ဖြတ်တိုက်လာသည့် လေပြည်က တစ်ခါတစ်ရံလာလည်သည့် ခရီးသွားဧည့်သည်များအတွက်တော့ အသက်ရှုကျပ်စေသည်။ တသုန်သုန်တိုက်ခတ်နေသည့် လေပြေက အေးမြလတ်ဆတ်မှုမရှိဘဲ တောင်သမန်အင်းဝန်းကျင်တွင် ပုပ်အဲ့အဲ့ငါးညှီနံ့များ ပျံ့လွင့်နေသည်။


ဦးပိန်တံတားဘက်သို့ ပိုမိုနီးကပ်လာသည်နှင့် ငါးညှီနံ့က ပိုမိုပြင်းလာသလို ကမ်းစပ်တစ်လျှောက်တွင် စုပြုံပေါက်ရောက်နေသည့် ဗေဒါပင်များအနီး၌ ရေပေါ်ပေါလောပေါ်နေသော ထောင်နှင့်ချီ သေဆုံးနေသော ငါးများကိုပါ တွေ့လာရသည်။ ဦးပိန်တံတားအနီး ငှက်လှေဆိပ်တွင်မူ ငါးသေများအစုလိုက်၊ အပြုံလိုက်ပေါလောပေါ်နေပြီး ခပ်ဝေးဝေးမှကြည့်လျှင် ဖြူဖွေးဖွေးအချပ်ကြီးဖြစ်နေသည်။ လှိုင်းပုတ်ပြီး ကမ်းကပ်လာသည့် ငါးသေများကဲ့သို့ပင် ကျိချွဲချွဲစိမ်းညစ်ညစ် အင်းရေပြင်တွင်လည်း ငါးသေများကို တွေ့ရသည်။ လက်ညှိုး၊ လက်မအရွယ် ငါးသားပေါက်များမှအစ အစိတ်သား၊ သုံးဆယ်သားအရွယ် ခပ်ကြီးကြီးငါးများအထိ ထောင်သောင်းချီသော ငါးသေများကို ဧပြီ ၃၀ ရက်က တောင်သမန်အင်း အနောက်ဘက်ကမ်းခြေတစ်လျှောက် တွေ့မြင်နေရသည်။

လွန်ခဲ့သည့် နှစ်ပေါင်း ၁၆၀ ခန့်က အမရပူရမြို့စာရေးဦးပိန် တည်ဆောက်ခဲ့သည့် သစ်သားတံတားရှည်ကြီးနှင့်အတူ နွေ၊ မိုး၊ ဆောင်း သုံးရာသီအလှတစ်မျိုးစီဖြင့် သုံးပန်လှတောင်သမန်အဖြစ် ကမ္ဘာကျော်ခဲ့သော တောင်သမန်အင်းမှာ လက်ရှိအချိန်တွင် လူတို့၏ပယောဂကြောင့် အဆိုးရွားဆုံးသော ပျက်စီးမှုနှင့် ကြုံတွေ့နေရသည်။

တပ်မတော်အစိုးရလက်ထက် ၁၉၉၀ ပြည့်နှစ်များအတွင်း သဘာဝအင်းကြီးဖြစ်သည့် တောင်သမန်ကို ရေအသေပိတ်လှောင်ခဲ့ခြင်းက တောင်သမန်အင်းပျက်စီးခြင်း၏ အစဖြစ်သည်။ ၁၉၉၅ ခုနှစ်ဝန်းကျင်တွင် သုံးပန်လှတောင်သမန်ကို ငါးမွေးကန်အဖြစ် အသွင်ပြောင်းခဲ့ပြီး ပုဂ္ဂလိကလုပ်ငန်းရှင်များအား တောင်သမန်အင်းအတွင်း ငါးမွေးရန် လေလံပစ်ခဲ့ခြင်းက တောင်သမန်အင်းကို အဖတ်ဆည်မရအောင် ပျက်စီးစေခဲ့သည်။ တောင်သမန်အင်းကို ၁၂ ရာသီ ရေပိတ်လှောင်ကာ ငါးမွေးကန်အဖြစ် အသွင်ပြောင်းခဲ့ပြီး နှစ်ပေါင်းနှစ်ဆယ်ကျော်ကြာချိန်တွင်မူ တောင်သမန်အင်းရေမှာ သမိုင်းတစ်လျှောက် အဆိုးရွားဆုံးရေညစ်ညမ်းမှုနှင့် ကြုံတွေ့နေရသည်။

ရာသီဥတုပူပြင်းမှု၊ အင်းရေနည်းပါးမှုတို့နှင့် များစွာသက်ဆိုင်ခြင်းမရှိဘဲ ဧပြီလ ၃၀ ရက်က တောင်သမန်အင်းအတွင်းဖြစ်ပွားခဲ့သည့် ငါးများအစုလိုက်အပြုံလိုက်သေဆုံးမှုနှင့်ပတ်သက်၍ တောင်သမန်အင်းရေကို ဓာတ်ခွဲစစ်ဆေးခဲ့ရာ ရေညစ်ညမ်းမှုမှာ အဆိုးရွားဆုံး အခြေအနေဖြစ်သည်ဟု မြန်မာနိုင်ငံ မွေးမြူရေး၊ ရေလုပ်ငန်းနှင့် ကျေးလက်ဒေသဖွံ့ဖြိုးရေးဝန်ကြီးဌာန၊ ငါးလုပ်ငန်းဦးစီးဌာနကဆိုသည်။

တောင်သမန်အင်းရေအတွင်း အောက်ဆီဂျင်ပါဝင်မှုသည် သတ်မှတ်စံနှုန်းထက် နည်းပါးနေသလို အမိုးနီးယားနိုက်ထရိတ် ပါဝင်မှုသည်လည်း စွန့်ပစ်ရေများတွင်ပါဝင်ရမည့် သတ်မှတ်စံနှုန်းထက် ပိုမိုမြင့်မားနေသည်ဟုဆိုသည်။ တောင်သမန်အင်းရေကို ဓာတ်ခွဲစမ်းသပ်စစ်ဆေးမှုအရ တွေ့ရှိရသည့် အင်းရေ၏ လက်ရှိအနေအထားသည် ငါးများအသက်ရှင်နေထိုင်ရန် သင့်လျော်မှုမရှိတော့သလို အင်းရေများအား စွန့်ထုတ်မည်ဆိုပါကလည်း သန့်စင်ပြီးမှ စွန့်ထုတ်သင့်သည်ဟု မန္တလေးတိုင်းဒေသကြီး ငါးလုပ်ငန်းဦးစီးဌာန၊ ပြည်ပပို့ကုန်အရည်အသွေးစစ်ဆေးရေး (ဓာတ်ခွဲခန်း)တာဝန်ခံကဆိုသည်။

တောင်သမန်အင်းရေသည် နေရာအချို့တွင် ကျိချွဲချွဲဂျယ်လီခဲများသို့ ဖြစ်ပေါ်နေပြီး ရေမှော်ပင်များပေါက်ရောက်ရန်၊ ငါးများအသက်ရှင်နေထိုင်ရန်မဆိုထားနှင့် ယင်းကျိချွဲချွဲဖြစ်နေသည့် ရေပြင်နေရာသည် ငါးများပင် ဖြတ်သန်းသွားလာနိုင်သည့် အနေအထားမရှိတော့သည်ကို တွေ့ရကြောင်း မန္တလေးမြို့တော်စည်ပင်သာယာရေးကော်မတီထံမှ တောင်သမန်အင်းအတွင်း ငါးမွေးမြူရေး အပါအ၀င် တောင်သမန်အင်းနှင့် ဆက်စပ်အင်းများ လုပ်ပိုင်ခွင့်ရထားသည့် အမရပူရမြို့နေ အင်းသူကြီး ဦးချစ်ခိုင်ကပြောသည်။

‘‘တောင်သမန်အင်းရေပျက်စီးတာက စက်ရုံတွေက စွန့်ထုတ်တဲ့ ရေဆိုးတွေနဲ့ အင်းကို သဘာဝအတိုင်းမထားဘဲ ပိတ်လှောင်ထားတဲ့အတွက် ဖြစ်ပါတယ်’’ဟု ဦးချစ်ခိုင်ကပြောသည်။ ဦးချစ်ခိုင်မှာ  ၂၀၁၄ မှစတင်ကာ တောင်သမန်အင်းနှင့် ဆက်စပ်အင်းများ ငါးမွေးမြူရေးအတွက် ကျပ်သိန်း  ၅,၀၀၀ ဖြင့် မန်းစည်ပင်ထံမှ လုပ်ကိုင်ခွင့်ရရှိထားသူဖြစ်သည်။

မန္တလေးစည်ပင်နှင့် ချုပ်ဆိုထားသည့် စာချုပ်အရ အင်းလေလံကြေးမှာ နှစ်စဉ် ၁၀ ရာခိုင်နှုန်း မြင့်တက်မည်ဖြစ်ပြီး ယခုနှစ်တွင် တောင်သမန်အင်းအတွင်း ငါးမွေးမြူရေးလုပ်ငန်း လုပ်ပိုင်ခွင့်အတွက် ကျပ်သိန်း ၅,၅၀၀ ဖြင့် ကန်ထရိုက်စာချုပ် ချုပ်ဆိုမည်ဟု ဆိုသည်။

ယခုကဲ့သို့ အင်းရေညစ်ညမ်းကာ ငါးများသေဆုံးမှုကြောင့် နေ့စဉ်ငါးပိဿာချိန် ၃,၀၀၀ ခန့် ဖမ်းယူရရှိနေသည့် တောင်သမန်အင်းကို စွန့်လွှတ်လိုက်ရပြီး ငါးမျိုးစိုက်ထည့်ရသည့် စရိတ်နှင့် ငါးစာစရိတ်များအတွက် အနည်းဆုံး ငွေကျပ်သိန်း ၆,၀၀၀ ကျော် ဆုံးရှုံးနေသည်ဟု ဦးချစ်ခိုင် ကပြောသည်။

တောင်သမန်အင်းအတွက် ငါးများသေဆုံးရခြင်းမှာ စက်ရုံစွန့်ပစ်ရေဆိုးများကြောင့် အဓိကဖြစ်ပြီး အင်းထဲတွင် အနည်ထိုင်သကဲ့သို့ ဖြစ်နေသည့် ဓာတုဓာတ်ကြွင်းများကြောင့်လည်း ငါးများသေဆုံးရသည်ဟု ထင်မြင်ကြောင်း တောင်သမန်ဒေသခံအချို့ ပြောသည်။  နွေရာသီတွင် တောင်သမန်အင်းအတွင်း ငါးသေဆုံးမှု နှစ်စဉ်ဖြစ်ပွားလေ့ရှိသော်လည်း ယခုနှစ်မှာ ၁၉၉၈ နောက်ပိုင်းအဆိုးရွားဆုံး ဖြစ်သည်ဟု တောင်သမန်ငှက်လှေအသင်းဥက္ကဋ္ဌ ဦးစိုးဝင်းကပြောသည်။

တောင်သမန်အင်းရေထု ညစ်ညမ်းကာ ငါးများအစုလိုက်အပြုံလိုက် သေဆုံးမှုဖြစ်ပွားခဲ့ပြီးနောက်ပိုင်း မန္တလေးမြို့တော်စည်ပင်သာယာရေးကော်မတီမှ တောင်သမန်အင်းထိန်းသိမ်းရေး လုပ်ဆောင်မည်ဟု မန္တလေးစည်ပင်ကော်မတီက ဆိုသည်။

လက်ရှိတွင် တောင်သမန်အင်းသို့ ရေစီးဝင်သည့် ပရံတော်ချောင်းမှတစ်ဆင့် အင်းအတွင်းသို့ ရေဆိုးစွန့်ပစ်နေသည့် စက်ရုံ ၁၇ ရုံရှိပြီး ယင်းစက်ရုံများကို မေလ ၁ ရက်မှ စတင်ကာ စက်ရုံလည်ပတ်ခွင့် ယာယီရပ်နားထားသည်ဟု ဒေါက်တာသွင်ကျော်ကျော်က ပြောသည်။

ရေဆိုးသန့်စက်ရုံကို တောင်အင်းမြောက်အင်းတွင် စတင်တည်ဆောက်နေပြီဖြစ်ပြီး ဇွန်လကုန်ပိုင်း ရေဆိုးသန့်စင်စက်ရုံ တည်ဆောက်ပြီးစီးချိန်မှ စက်ရုံများကို ပြန်လည် လည်ပတ်ခွင့်ပြုမည်ဟု ဒေါက်တာသွင်ကျော်ကျော်ကဆိုသည်။

ထို့ပြင် တောင်သမန်အင်းအတွင်း နုန်းဆယ်ခြင်းများပြုလုပ်မည်ဖြစ်သလို လိုအပ်ပါက အင်းရေဖောက်ထုတ်ခြင်း၊ ရေသွင်းခြင်းများကို လုပ်ဆောင်မည်ဟုဆိုသည်။

တောင်သမန်အင်းထိန်းသိမ်းရေးအတွက် လတ်တလောလုပ်ဆောင်မည့် ရေတိုလုပ်ငန်းများအပြင် ရေရှည်အတွက်ပါ ပြည်ထောင်စုအစိုးရအဖွဲ့သို့ တင်ပြလုပ်ဆောင်ရန် စီစဉ်နေသည်ဟုလည်း ၎င်းဆိုသည်။ အထူးသဖြင့် ယခင်ကဲ့သို့ တောင်သမန်အင်းအား သုံးပန်လှတောင်သမန်ဖြစ်စေရန် အင်းရေကို ပိတ်လှောင်ထားခြင်းမရှိဘဲ သဘာဝအတိုင်းရေဝင်၊ ရေထွက်ခွင့်ပြုမည်ဖြစ်သလို လက်ရှိ အများပြည်သူဝေဖန်မှုရှိလာနေသည့် တောင်သမန်အင်းအတွင်း လေလံစနစ်ဖြင့် ငါးမွေးမြူရေးခွင့်ပြုခြင်းကိုလည်း ပြန်လည်ဖျက်သိမ်းရန် သင့်၊ မသင့် စဉ်းစားစရာအချက်တစ်ခုအနေဖြင့် ပြည်ထောင်စုအစိုးရထံ တင်ပြထားသည်ဟုဆိုသည်။

‘‘ကျွန်တော်တို့အနေနဲ့ တောင်သမန်အင်း သဘာဝပတ်ဝန်းကျင်နဲ့ ရေထု၊ လေထုထိန်းသိမ်းရေးကို စနစ်တကျလုပ်မှာ ဖြစ်တဲ့အတွက် အရင်လို သုံးပန်လှတောင်သမန် ပြန်ဖြစ်လာမယ်လို့ မျှော်လင့်ပါတယ်’’ဟု ဒေါက်တာသွင်ကျော်ကျော်က ပြောသည်။

နတ်ကြီးသည်ဟု နာမည်ကျော်သော တောင်သမန်အင်းတွင် ရိုးရာယုံကြည်မှုနှင့် ဒေသခံများ၏ အစွဲအလမ်းကြောင့်လည်း အစိုးရဌာနများအနေဖြင့် တောင်သမန်အင်း၏ ရေအဝင်အထွက်ကို လိုသလိုထိန်းချုပ်လုပ်ဆောင်ခြင်း ဖြစ်နိုင်ကြောင်း အမရပူရမြို့ခံအချို့က ပြောသည်။

မိုးရာသီတွင် ဦးပိန်တံတား ရေနစ်မြုပ်သည်အထိ တောင်သမန်အင်းရေတက်လျှင် မင်းပြောင်းမင်းလွဲ၊ အုပ်ချုပ်သူအပြောင်းအလဲဖြစ်နိုင်သည်ဟု တောင်သမန်ဒေသခံအများစုက ယုံကြည်ကြသည်။ ၁၉၈၈ အရေးခင်းကာလတွင် ဦးပိန်တံတားရေနစ်မြုပ်သည်အထိ တောင်သမန်အင်းရေ မြင့်တက်ခဲ့သလို ၂၀၀၄ ဗိုလ်ချုပ်ခင်ညွန့် ဖမ်းဆီးခံရချိန်ကလည်း တောင်သမန်အင်းရေမှာ တံတားပေါ်ထိ ရေတက်ခဲ့သည်ဟု တောင်သမန်ဒေသခံ ဦးစိုးဝင်းကပြောသည်။ ထို့အတူ တောင်သမန်အင်းအတွင်း ရေလုံးဝခန်းခြောက်သွားလျှင်မူ တိုင်းပြည်တစ်ခုလုံးပါ ပျက်စီးတတ်သည်ဟု ဒေသခံအချို့က ယုံကြည်ကြသည်။

သို့သော် နေ့စဉ်ခရီးသွားဧည့်သည် ရာထောင်ချီ လာရောက်လည်ပတ်နေသော တောင်သမန်အင်းအား သဘာဝအင်းတစ်ခုအဖြစ်သာ ပြန်လည်မြင်တွေ့လိုသည်ဟု ဒေသခံအများစုကပြောသည်။

‘‘တောင်သမန်အင်း၊ တောင်သမန်အလှဆိုတာက အမရပူရမြို့ရဲ့ Landmark (အထိမ်းအမှတ်)တစ်ခုပဲ။ တစ်နိုင်ငံလုံးက လေးစားတန်ဖိုးထားရတဲ့ သမိုင်းအမွေတစ်ခုလည်းဖြစ်တယ်။ ဖြစ်နိုင်ရင်တော့ အရင်လို သဘာဝအတိုင်းပဲရှိစေချင်တယ်။ တောင်သမန်အင်းကိစ္စ ဆောင်ရွက်ကြတဲ့ ဌာနဆိုင်ရာတွေအနေနဲ့လည်း အမရပူရသားလို၊ မန္တလေးသားလို ကိုယ့်ကိုယ်ကိုယ်သဘောထားပြီး လုပ်ကြကိုင်ကြရင်တော့ ပိုကောင်းမယ်ထင်တယ်’’ဟု မန္တလေးစည်ပင် အကြံပေးအဖွဲ့ဝင် အမရပူရမြို့ခံ ဦးသန်းမြင့်က ပြောသည်။

တောင်သမန်အင်းသည် မန္တလေးတိုင်းဒေသကြီး အမရပူရမြို့နယ်တွင် တည်ရှိပြီး မန္တလေးမြို့တော်စည်ပင်သာယာရေးကော်မတီ၏ စီမံခန့်ခွဲမှုအောက်တွင်ရှိနေသည်။ သို့သော် ဦးပိန်တံတားကိုမူ ယဉ်ကျေးမှုဝန်ကြီးဌာန၊ ရှေးဟောင်းသုတေသနအမျိုးသားပြတိုက်နှင့် စာကြည့်တိုက်ဦးစီးဌာနမှ ထိန်းသိမ်းစောင့်ရှောက်လျက် ရှိသည်။ လက်ရှိအချိန်တွင် တောင်သမန်အင်းထိန်းသိမ်းစောင့်ရှောက်ရေးကော်မတီကို မန္တလေးတိုင်းဒေသကြီး ဘဏ္ဍာရေးဝန်ကြီး ဦးဆောင်ကာ ဖွဲ့စည်းထားသည်။ သို့သော် အင်းရေညစ်ညမ်းမှု၊ သဘာဝပတ်ဝန်းကျင်ပျက်စီးမှုနှင့် နှစ်ပေါင်းများစွာ ကြာမြင့်လာပြီဖြစ်သည့်အတွက် ဦးပိန်တံတားပျက်စီးမှုများ ကြုံတွေ့နေရသော်လည်း ကော်မတီအနေဖြင့် တောင်သမန်အင်းနှင့် ဦးပိန်တံတား ထိန်းသိမ်းရေးလုပ်ငန်းများကို ထိရောက်စွာ လုပ်ဆောင်နိုင်ခြင်းမရှိသေးပါ။

‘‘အခုထိတော့ ဘာမှ ထူးထူးခြားခြား လုပ်ကိုင်နိုင်တာ မရှိဘူးလေ။ အခုလို ငါးတွေသေတဲ့အချိန်မှာတော့ လာတဲ့ဧည့်သည်တွေ အနံ့အသက်ဆိုးတွေကြောင့် စိတ်အနှောင့်အယှက်မဖြစ်ဖို့ ငှက်လှေသမားတွေနဲ့ ဒေသခံတွေပေါင်းပြီး ငါးသေတွေကို မြေတူးမြှုပ်တာတော့ရှိတယ်’’ဟု တောင်သမန်ထိန်းသိမ်းစောင့်ရှောက်ရေး ကော်မတီအတွင်းရေးမှူး တောင်သမန်ငှက်လှေအသင်းဥက္ကဋ္ဌ ဦးစိုးဝင်းကပြောသည်။

လူတို့၏ပယောဂကြောင့် တောင်သမန်အင်းပျက်စီးမှုကြုံတွေ့လာရသည့် တစ်ချိန်တည်းမှာပင် စီးပွားရေးသမားများစုက တောင်သမန်အင်းနှင့် ဦးပိန်တံတားကို အမှီပြုကာ စီးပွားရေးလုပ်ငန်းလုပ်ကိုင်ရန် မျက်စိကျလာနေသည်။  ဦးပိန်တံတားနှင့် ပေ၂,၀၀၀ ၀န်းကျင်အကွာ တောင်သမန်အင်းရေပြင်နှင့် ထိစပ်နေသည့် မြေဧက ၄၀ ကျော်ပေါ်တွင် တောင်သမန်သစ္စာကုမ္ပဏီက အပန်းဖြေဟိုတယ်စီမံကိန်း အကောင်အထည်ဖော် တည်ဆောက်ရန် စီစဉ်နေသည်။ ထို့အတူ တောင်သမန်အင်း ရေ၀င်ရေထွက် ဧရိယာများနှင့် ဆက်စပ်ပြီး တောင်သမန်အင်းရေတက်ချိန် ရေနစ်မြုပ်လေ့ရှိသည့် နေရာများတွင် စီးပွားရေးစီမံကိန်းများ အကောင်အထည်ဖော်လျက်ရှိသည်။ ကျောက်စိမ်းစေတီနှင့် ကျောက်စိမ်းဈေးသစ်စီမံကိန်း၊ Jade Garden စီမံကိန်း စသည်တို့မှာ တောင်သမန်အင်း ရေ၀င်ရေထွက် ဧရိယာများနှင့် ဆက်စပ်နေပြီး မိုးရာသီတောင်သမန်အင်း ရေတက်ချိန် ရေ၀ပ်ဒေသများဖြစ်သည်ဟု အမရပူရမြို့ခံအချို့က ပြောသည်။

စီးပွားရေးလုပ်ငန်းရှင်များက တောင်သမန်အင်းကို အမှီပြုကာ စီးပွားရေးလုပ်ငန်းများ အကောင်အထည်ဖော်ရန် စီစဉ်ကြသော်လည်း ဦးပိန်တံတားနှင့် တောင်သမန်အင်းထိန်းသိမ်းရေး လုပ်ဆောင်ရန် အစီအစဉ်မရှိကြသေးပါ။ တောင်သမန်သစ္စာကုမ္ပဏီက ၎င်းတို့အနေဖြင့် တောင်သမန်နှင့် ဦးပိန်တံတားထိန်းသိမ်းရေး သီးခြားအစီအစဉ်မရှိဘဲ အများနှင့် ပူးပေါင်းလုပ်ဆောင်ရန် ရည်ရွယ်ထားသည်ဟုပြောသည်။

ရေညစ်ညမ်းပြီး တောင်သမန်အင်းပျက်စီးမှုက ဒေသ၏ အလေးထားဖွယ်ရာ အမွေအနှစ်တစ်ခု ပျောက်ကွယ်သွားစေနိုင်သလို ခရီးသွားဧည့်သည်များ လာရောက်လည်ပတ်မှုကို လျော့ကျစေပြီး ဒေသခံများ၏ စီးပွားရေးလုပ်ငန်းအပေါ် ထိခိုက်မှုရှိလာနိုင်ကြောင်း မန္တလေးစည်ပင်အကြံပေးအဖွဲ့ဝင် အမရပူရဒေသခံ ဦးသန်းမြင့်ကဆိုသည်။
မောင်တာ(7day)