တစ်နိုင်ငံလုံး အပစ်အခတ် ရပ်စဲရေး မူကြမ်းကို ကေအိုင်အို ဗဟိုကော်မတီ အစည်းဝေးတွင် ပြန်သုံးသပ်မည်

တစ်နိုင်ငံလုံးအပစ်အခတ်ရပ်စဲရေးမူကြမ်း သဘောတူညီချက်များအပေါ် သုံးသပ်မည့် ကချင်လွတ်လပ်ရေး အဖွဲ့ (KIO) ဗဟိုကော်မတီ အစည်းအဝေးကို ယခုရက်ပိုင်းအတွင်း ကျင်းပမည် ဖြစ်ကြောင်း KIO ၏ ပြောရေးဆိုခွင့်ရှိသူ ဦးလနန်က ပြောသည်။

ဗဟိုကော်မတီဝင် အစည်းအဝေးတွင် အဓိကအားဖြင့် KIO ၏ တပ်ပိုင်းဆိုင်ရာ လုပ်ငန်းများနှင့် တစ်နိုင်ငံ လုံး အပစ်အခတ် ရပ်စဲရေးမူကြမ်း (NCA) အပေါ် ပြန်လည်သုံးသပ်၍ ပြင်ဆင်ဖြည့်စွက်မှုများ ပြုလုပ်သွား မည် ဖြစ်ကြောင်း ၎င်းက ပြောသည်။

“ကျွန်တော်တို့ ကေအိုင်အိုရဲ့လုပ်ငန်း တပ်ပိုင်းဆိုင်ရာကိစ္စတွေ၊ NCA ကိစ္စလည်း အခန်းကဏ္ဍ တစ်ခု ပါမယ်။ NCA မူကြမ်းအပေါ်မှာ ဆွေးနွေးပွဲမှာ ပါဝင်ခဲ့တဲ့ ကျွန်တော်တို့ရဲ့ NCCT အဖွဲ့ဝင်တွေကနေ သူတို့ရဲ့ NCA မူကြမ်းအပေါ်မှာ သုံးသပ်ချက်တွေ၊ ဆွေးနွေးချက်တွေ ပါလာမယ်။

အဲဒီအပေါ်မှာ ကျွန်တ်ာတို့ ကေအိုင်အို ဗဟိုကော်မတီကလည်း လိုအပ်တဲ့ ဖြည့်စွက်သဘောထားတွေ စုစည်းပြီး တိုင်းရင်းသား လက်နက်ကိုင်တွေ ကျင်းပမယ့်ညီလာခံမှာ ကေအိုင်အိုရဲ့ သဘောထားကို တင်ပြ ဖို့ ရှိတယ်”ဟု ဦးလနန်က မဇ္စျိမကို ပြောသည်။

ပြီးခဲ့သည့် မတ်လ ၃၁ ရက်က ပြည်ထောင်စု ငြိမ်းချမ်းရေး ဖော်ဆောင်ရေးလုပ်ငန်းကော်မတီ(UPWC) နှင့် တစ်နိုင်ငံလုံး အပစ်အခတ် ရပ်စဲရေး ညှိနှိုင်းရေးအဖွဲ့ (NCCT) တို့ NCA ပါ အချက်များ သဘောတူ လက်မှတ်ရေးထိုးခဲ့မှုအပေါ် ပြန်လည်သုံးသပ်ရန် စီစဉ်ခြင်း ဖြစ်သည်။ KIO ထိန်းချုပ်နယ်မြေအတွင်းရှိ KIO တာဝန် ရှိသူများ အားလုံးပါဝင်ဆွေးနွေးရန် ဌာနဆိုင်ရာ အသီးသီးမှ ကိုယ်စားလှယ်များအား စောင့်ဆိုင်း နေရသည်ဟု ၎င်းက ပြောသည်။

KIA တပ်မဟာ ၂ ဒေသအတွင်းရှိ KIO ဗဟိုကော်မတီဝင်များကိုလည်း ကချင်ငြိမ်းချမ်းရေး အကျိုးဆောင် အဖွဲ့ PCG ကိုယ်စားလှယ်များက သွားရောက်ကြိုဆို၍ လိုင်ဇာမြို့သို့ ပြန်လည်ပို့ဆောင် နေသည်ဟု PCG အဖွဲ့ဝင် ဦးလမိုင်ဂွမ်ဂျာက မေလ ၁၂ ရက်က ပြောသည်။ KIO ဗဟိုကော်မတီဝင်များမှ NCA အပေါ် ပြင်ဆင်ဖြည့်စွက်သော သဘောထားများကို မကြာမီ ကျင်းပမည့် တစ်နိုင်ငံလုံး အပစ်အခတ်ရပ်စဲရေး ညှိနှိုင်းရေးအဖွဲ့ NCCT ညီလာခံသို့ အဆိုပြု တင်သွင်းမည် ဖြစ်ကြောင်း ဦးလနန်က ပြောသည်။

လာမည့် မေလ ၂၀ ရက်ကျော်တွင် တိုင်းရင်းသား လက်နက်ကိုင် အဖွဲ့အစည်းခေါင်းဆောင် များ ပြုလုပ်မည့် NCCT ညီလာခံကို ကရင်အမျိုးသား အစည်းအရုံး (KNU) ဌာနချုပ် လော်ခီးလာတွင် ကျင်းပရန် ညှိနှိုင်းနေသည်ဟု NCCT ခေါင်းဆောင် နိုင်ဟံသာက မဇ္ဈိမကို ပြောသည်။

KIA တပ်မဟာ ၃ လက်အောက်ခံ တပ်ရင်း ၁၂ နယ်မြေ မန်စီမြို့နယ်အတွင်း တိုက်ပွဲဆက်လက် ဖြစ်ပွား နေသည့် သတင်းမရရှိသေးသော်လည်း အစိုးရ စစ်ကြောင်းများ တိုးမြင့်လာသဖြင့် တိုက်ပွဲဆက်လက် ဖြစ်ပွားနိုင်မည်ဟု ဦးလနန်က ပြောသည်။

မန်စီမြို့နယ်တွင် ပြီးခဲ့သည့် မေလ ၆ ရက်မှ ၁၂ ရက်ထိ ခုနှစ်ရက်မြောက် တိုက်ပွဲ ဆက်လက် ဖြစ်ပွား နေပြီး အစိုးရ တပ်ရင်း ၉ ရင်းထိ ထိုးစစ်ဆင်တိုက်ခိုက်နေသဖြင့် တိုက်ပွဲများ ဆက်လက်ဖြစ်ပွားမည့် အခြေအနေတွင် ရှိနေသည်ဟု သိရသည်။ သို့သော် ယနေ့တိုက်ပွဲ အခြေအနေကိုမူ ဆက်သွယ်မေးမြန်း နိုင်ခြင်း မရှိခဲ့ပေ။

Mizzima - News in Burmese​