ယီမင်ထဲ ကယ်ဆယ်ရေး ပစ္စည်းတွေ ဝင်နိုင်တော့မယ်

ယီမင် နိုင်ငံထဲကို ဆေးဝါး ထောက်ပံ့ရေး ပစ္စည်းတွေနဲ့ အမှုထမ်းတွေ ပို့ဆောင်ဖို့ ခွင့်ပြုချက် ရရှိလာတယ် ဆိုပြီး နိုင်ငံတကာ ကြက်ခြေနီအဖွဲ့က ပြောပါတယ်။
ယီမင် နိုင်ငံထဲက ဟူသီ သူပုန်တွေကို ဆက်တိုက် ဆိုသလို တိုက်ခိုက်နေတဲ့ ဆော်ဒီ အာရေဗျ ဦးဆောင် တဲ့ စစ်ရေး မဟာမိတ် အုပ်စုနဲ့ အကြား သဘောတူညီမှု ရလာခဲ့တဲ့နောက် တနင်္လာနေ့မှာ ယီမင်နိုင်ငံ မြို့တော် ဆာနားကို ထောက်ပံ့ရေး လေယာဉ် ၂ စင်း ဆင်းသက်နိုင်လိမ့်မယ်လို့ မျှော်လင့်ကြောင်း နိုင်ငံတကာ ကြက်ခြေနီအဖွဲ့က ပြောခွင့်ရ Sitara Jabeen က ဆိုပါတယ်။

ဆော်ဒီ ဦးဆောင်တဲ့ မဟာမိတ် အဖွဲ့ရဲ့ လေကြောင်း တိုက်ခိုက်မှုတွေ ကြားထဲကပဲ၊ ယီမင် တောင်ပိုင်း အေဒင်မြို့မှာတော့ သမ္မတ Abdrabbuh Mansour Hadi အပေါ် သစ္စာခံတဲ့တပ်တွေနဲ့ တိုက်ခိုက် နေကြတဲ့ ဟူသီစ်တွေဟာ နယ်မြေတွေ ပိုမို သိမ်းပိုက်ရရှိနေပါတယ်။
အခု ဆိုရင် မြို့လယ်ခေါင်က လမ်းမတွေပေါ်မှာ တိုက်ပွဲတွေ ဖြစ်ပေါ်နေပြီး အေဒင် ဆိပ်ကမ်းရှိရာဆီ ဟူသီစ်တွေရဲ့ သံချပ်ကာကားတွေ ရောက်ရှိလာပြီလို့ သတင်းတွေ ထွက်ပေါ်နေပါတယ်။
တခါ၊ လုံခြုံရေးအရလို့ဆိုကာ ယီမင်နဲ့ နယ်စပ်တလျှောက်မှာ ရှိတဲ့ ဆော်ဒီအာရေဗျ ဘက်ခြမ်းက ကျေးရွာ ပေါင်း ၁၀၀ ကျော်ကို ဖျက်စီးပစ်ဖို့ စီစဉ်ထားတယ်လို့ ဆော်ဒီ မီဒီယာတွေမှာ ဖော်ပြနေပါတယ်။
ဖျက်စီးဖို့ သတ်မှတ်ထားတဲ့ အဲဒီ့ ကျေးရွာတွေဟာ ၂ နိုင်ငံကြား နယ်စပ်ဖြတ်ကျော် တင်းမာမှုတွေ ဖြစ်ပေါ် ခဲ့တဲ့ ၂၀၀၉ ခုနှစ် ကတည်းက၊ ရွာခံတွေက စွန့်ခွာခဲ့နှင့်ပြီးတဲ့ ရွာအလွတ်တွေ ဖြစ်ပါတယ်။
အခု ယီမင် ပဋိပက္ခ လက်ရှိ ဖြစ်ပေါ်နေချိန်မှာ ယီမင်ဘက်ခြမ်းက သူပုန်တွေ နယ်စပ်ဖြတ်ကျော်ပြီး အဲဒီ့ ရွာလွတ်တွေထဲ ဝင်ရောက် နေရာယူမှာကို ဆော်ဒီ အာဏာပိုင်တွေက စိုးရိမ်နေတာ ဖြစ်ပါတယ်။