နေပြည်တော်ကို လွှတ်တော် လာတက်ရတဲ့ လွှတ်တော်အမတ်တွေ နေထိုင်ဖို့ လွှတ်တော်ဝင်း တနေရာမှာ သီးသန့် အဆောက်အဦကို လွှတ်တော်က ရရှိထားတဲ့ ငွေကြေးတွေထဲက သုံးစွဲ တည်ဆောက်မယ်ဆိုပြီး လွှတ်တော် ၂ ရပ်ပေါင်းရဲ့ အလှည့်ကျ နာယကဖြစ်တဲ့ သူရ ဦးရွှေမန်းက ပြောပါတယ်။
တနင်္လာနေ့က လွှတ်တော်တွင်း နိုင်ငံရေးပါတီတွေရဲ့ ခေါင်းဆောင်တွေနဲ့ တွေ့ဆုံတုန်းမှာ သူရ ဦးရွှေမန်းက ပြောခဲ့တာ ဖြစ်ပါတယ်။
လွှတ်တော်အမတ်တွေနဲ့ ဝန်ထမ်းတွေအတွက် အဆောက်အဦတွေကို ဆောက်လုပ်ဖို့ အစိုးရဆီက ၁၉ ဘီလီယံ ဘတ်ဂျတ် တောင်းခံခဲ့တာကို မရခဲ့တဲ့နောက် အခုဆို လွှတ်တော်မှာ ရှိတဲ့ ငွေထဲကနေ ဆောက်ဖို့ သူရဦးရွှေမန်းက ရှင်းပြခဲ့တယ်လို့ ရခိုင်အမျိုးသားပါတီက ပြည်သူ့လွှတ်တော်အမတ် ဒေါ်ခင်စောဝေက ဘီဘီစီကို ပြောပါတယ်။
လွှတ်တော်အမတ်တွေဟာ လွှတ်တော် ကျင်းပချိန်တိုင်းမှာ အစိုးရပိုင် စည်ပင်ဧည့်ရိပ်သာမှာ တစ်နေ့ ၂ ထောင်နှုန်းနဲ့ နေထိုင်ကြရတာ ဖြစ်ပါတယ်။
လွန်ခဲ့တဲ့ တစ်လလောက်က စပြီး အစိုးရပိုင် အဆောက်အဦတွေထဲမှာ နိုင်ငံရေး ဆွေးနွေးပွဲတွေ မလုပ်ရဘူး ဆိုတဲ့ စည်းကမ်းထွက်လာပြီး၊ စည်ပင်ဧည့်ရိပ်သာမှာ နိုင်ငံရေးပါတီ အသီးသီးက လွှတ်တော်အမတ်တွေကို အစည်းအဝေး လုပ်ခွင့် ပိတ်ပင်ခဲ့ရာကနေ၊ အခုလို လွှတ်တော်အမတ်တွေ နေထိုင်ဖို့ သီးသန့် အဆောက်အဦ ဆောက်လုပ်ဖို့ ဖြစ်ပေါ်လာရတာပါ။
BBC
No comments:
Post a Comment