အခုနှစ် ရန်ကုန်သင်္ကြန် ဘယ်မဏ္ဍပ်မှာ ထိုင်ကြမလဲ

၂၀၁၅ နှစ်သစ်ကူး သင်္ကြန်ပွဲတော် ရန်ကုန်မှာ ရေကစားကြမယ့် မဏ္ဍပ်တွေကတော့ ထုံးစံအတိုင်း ပြည်လမ်းမကြီး နဲ့ ကမ္ဘာအေး ဘုရား လမ်းမကြီးပေါ်မှာ အများဆုံးရှိနေမှာပါ။
မဏ္ဍပ်မှာ ထိုင်ပြီး သင်္ကြန်အလည်အပတ်ကားတွေကို ကြည့်ချင်သူတွေ၊ သူငယ်ချင်း၊ မိသားစုဝင်တွေနဲ့ အတူ ရေပက်ကစားချင်သူ အများစုကတော့ မဏ္ဍပ်ထိုင်ဖို့ကိုပဲ ရွေးချယ်ကြပါတယ်။

“ကလေးတွေအတွက် Kid Zone ဆိုတာ လုပ်ပေးထားတယ်။ မိဘတွေ ကလည်း ကလေးတွေနဲ့ အတူ ရေကစားချင်တာမျိုးရှိမှာဆိုတော့လေ။ လုံခြုံရေးအင်အားလည်း အများကြီးချထားပေးတယ်။ Water Cooling system တွေလည်း ပါမယ်။ ဒီနှစ်မှာ ကား တွေ က အရမ်းများလာတော့ လုံးဝမရွေ့တော့ဘဲ ကျပ်နေမှာ စိုးရိမ်တယ်။ မဏ္ဍပ်လုပ်ရတာ မနှစ်ကထက် သစ်၊ အလုပ်သမားဈေးနှုန်း တွေကအစ အများကြီးတက်သွားတယ်ဆိုတော့ ခက်ခဲတာတွေရှိတယ်”လို့ ရွှေပိတောက် မဏ္ဍပ် စီစဉ်သူ မော်ဒယ်လ် သရုပ်ဆောင် စမိုင်းလ် က ဧရာဝတီကို ပြောပါတယ်။
ဗဟန်းမြို့နယ် ဆရာစံလမ်းမကြီးပေါ်မှာ တည်ရှိမယ့် ရွှေပိတောက် ရေကစားမဏ္ဍပ်မှာ ဒီဂျေ အစီအစဉ်တွေအပြင် အဆိုတော် အများအပြားရှိမှာဖြစ်ပါတယ်။ ဈေးနှုန်းတွေကတော့ ၄ ရက်စာ ရိုးရိုးဈေးနှုန်း ၆၀၀၀၀ ကျပ်နဲ့ VIP လက်မှတ်ကတော့ ကျပ် ၁ သိန်းဖြစ်ပါတယ်။ VIP လက်မှတ်အတွက်ကတော့ ဘီယာ အကန့်အသတ်မရှိ သောက်သုံးနိုင်ပြီး အရက်ကိုတော့ Gold Label အထိ သောက်ခွင့်ပေးမှာဖြစ်သလို သီးသန့်နေရာကနေ ရေကစားခွင့်ရမယ်လို့ သိရပါတယ်။
ရန်ကုန်မြို့မှာ ဆောက်လုပ်မယ့် မဏ္ဍပ်စီစဉ်သူ အများအပြားကတော့ ဒီနှစ်မှာ ပါမစ်လျှောက်ထားခြင်း၊ အလုပ်သမားငှားရမ်းခြင်း နဲ့ မဏ္ဍပ်ဆောက်လုပ်ခြင်း စတဲ့ကိစ္စအများအပြားမှာ ဈေးနှုန်းတွေတက်နေ တာကြောင့် အခက်အခဲတွေ ကြုံနေရပေမယ့် မဏ္ဍပ် ဈေးနှုန်း ကတော့ မနှစ်ကနဲ့ ကွာခြားမှု အနည်းငယ်သာရှိတယ်လို့ ပြောဆိုကြပါတယ်။
ပေ ၁၂၀ ရှည်ပြီး လူ ၁၅၀ဝ ခန့် ရေကစားနိုင်သည့် မဏ္ဍပ်တခု၏ ကုန်ကျစရိတ် က ကျပ် သိန်း ၆၀ဝ ခန့်ရှိပြီး မဏ္ဍပ် အလှအပ ဆင်ယင်မှု၊ လုံခြုံရေး ကင်မရာတွေနဲ့ လုံခြုံရေး အစောင့်တွေအတွက် ကုန်ကျစရိတ် မပါဝင်ပါ။ မဏ္ဍပ်ကြီး တခု တည်ဆောက်ဖို့ အချိန် ၅ ရက်က ၈ ရက်အထိ ကြာမြင့်နိုင်ပြီး မဏ္ဍပ်ဦးစီးပြုလုပ်သူက ရန်ကုန်မြို့တော် စည်ပင်သာယာရေး ကော်မတီကို စပေါ်ငွေ ကျပ် သိန်း ၁၀၀ တင်ရပါတယ်။
ညနေ ၆နာရီထက် ကျော်လွန်ရေကစားခြင်း၊ ပတ်ဝန်းကျင်ကို ထိခိုက်ပျက် စီးစေခြင်းနဲ့ သစ်ပင်ပန်းမန်များ ထိခိုက်ပျက်စီးခြင်း စတဲ့ ဥပဒေ ချိုးဖောက်မှုတွေ တွေ့ရှိခဲ့ရင်တော့ အဲဒီ စပေါ်ငွေ ပြန်ရတော့မှာ မဟုတ်ဘူးလို့ သိရပါတယ်။
မဏ္ဍပ်စီစဉ်သူတချို့ကလည်း သူတို့ရဲ့ မဏ္ဍပ်မှာ လာရောက်ကစားသူ များပြားဖို့ အတွက် ပြည်ပက ဒီဂျေပညာရှင်တချို့ ခေါ်ယူ အသုံးပြုကြမယ်လို့ ဆိုပါတယ်။
“လုံခြုံရေးအင်အားကိုတော့ မနှစ်ကထက် တိုးမြှင့်ထားတယ်။ ပါမစ်လျှောက်ရတာ ခက်သလို ဈေးတွေကတော့ အကုန်တက်တယ်။ ဒါပေမယ့် မနှစ်ကနဲ့ ဒီနှစ် လက်မှတ်ဈေးနှုန်းက သိပ်မကွာဘူး။ လက်မှတ်အရောင်းကိုလည်း မနှစ်ကထက် လျှော့ထားတယ်။ Project X မှာ ဒီနှစ် Lucky Draw အစီအစဉ်ပါမယ်။ ဒီဂျေ အစီအစဉ်တွေရှိမယ်။ ၁၂ ရက်နေ့ ညမှာလည်း ပါတီရှိမယ်။ ၁၀ စောင် ဝယ်ရင် ၁ စောင် လက်ဆောင်ပေးတာမျိုးလည်း လုပ်ထားတယ်”လို့ Project X မဏ္ဍပ် စီစဉ်သူတဦးဖြစ်တဲ့ မဆုပြည့်အောင်က ရှင်း ပြပါတယ်။
ကမ္ဘာအေး ဘုရားလမ်းပေါ်မှာ တည်ရှိမယ့် Project X မဏ္ဍပ်ဈေးနှုန်းတွေ ကတော့ ၄ ရက်စာ လက်မှတ်အတွက် ၄၀၀၀၀ ကျပ်၊ သင်္ကြန်အကျနေ့ အတွက် ၁၈၀၀၀ ကျပ်၊ အကြတ်နေ့အတွက် ၂၂၀၀၀ ကျပ် နဲ့ အတက်နေ့အတွက် ၃၀၀၀၀ ကျပ်ဖြစ်ပါတယ်။ ဒီဈေးနှုန်းတွေက မတ်လ ၃၁ ရက်နေ့အထိဖြစ်ပြီး ဧပြီလ ၁ ရက် က စလို့ ဈေးနှုန်း အပြောင်းအလဲရှိမယ်လို့ သိရပါတယ်။
ဒီနှစ် မဏ္ဍပ်လက်မှတ် ဈေးနှုန်းတွေက ၄ ရက်စာအတွက် ဈေးနှုန်း ၅၀၀၀၀ ကျပ် မှ ၇၀၀၀၀ ကျပ် ဝန်းကျင်၊ တနေ့ချင်း အတွက် ဈေးနှုန်းတွေကတော့ ကျပ် ၁၅၀၀၀ ကနေ ၃၅၀၀၀ ဝန်းကျင်မှာ ရှိတယ်လို့ မဏ္ဍပ်စီစဉ်သူတွေက ပြောပါတယ်။
ရန်ကုန်တိုင်း ဒေသကြီး အစိုးရအဖွဲ့၊ မဏ္ဍပ် နေရာချထားရေး ကော်မတီရဲ့ ပြောဆိုချက်အရ မတ်လ ၃၀ ရက်အထိ ရေကစား မဏ္ဍပ် အကြီး ၃၄ ခု နဲ့ အလတ် ၂ ခု ချထားပေးပြီးဖြစ်ကြောင်း၊ ကိုယ်ပိုင်မဏ္ဍပ်နေရာတွေ ထပ်မံ လျှောက်ထားလိုသူတွေ အတွက်လည်း စိစစ်ပြီး ချထားပေးဖို့ အစီအစဉ်ရှိကြောင်း သိရပါတယ်။
“မဏ္ဍပ်ဆောက်မယ့်သူတွေအတွက် လျှောက်လွှာတွေ ဝယ်ကတည်းက စည်းကမ်းချက် ၄၄ ချက် ကို ထည့်ပြောပြပြီးသားဖြစ် တယ်။ လောလောဆယ်တော့ မဏ္ဍပ်အကြီး နဲ့ အလတ် က ၃၆ ခုရှိပြီ။ နောက်ထပ် ကိုယ်ပိုင်မဏ္ဍပ်နေရာ လျှောက်ထား လာ တဲ့ အပေါ်မှာလည်း စိစစ်ပြီး ချထားပေးဖို့ရှိမယ်”လို့ မဏ္ဍပ်နေရာချထားရေးကော်မတီ တာဝန်ရှိသူ တဦးက ဧရာဝတီကိုပြောပါတယ်။
လူငယ်အများစုကတော့ သူငယ်ချင်း၊ မိတ်ဆွေတွေနဲ့ မဏ္ဍပ်ထိုင် ရေကစားဖို့ အဝတ်အစား၊ ဆံပင်အပြင်အဆင်တွေကအစ ပြင်ဆင်နေကြပြီလို့ ပြောဆိုကြပါတယ်။
“’သူငယ်ချင်းတွေ စီစဉ်ထားတဲ့ မဏ္ဍပ်မှာ ဒီနှစ်ကစားမယ်။ ဒီဂျေတီးလုံး မြူးမြူးကြွကြွတွေကြားမှာ စည်းချက်လိုက် ကရင်းနဲ့ ရေ ပက်ကစားရတာကို ပျော်တယ်။ မဏ္ဍပ်ထိုင်တာ ဒီနှစ်ပါမယ်ဆို ၃နှစ်ရှိပြီ။ အခုကတည်းက ရင်တွေခုန်နေပြီ”လို့ အသက် ၂၁ နှစ် အရွယ် မသဲဇာမျိုး က ပြောပြပါတယ်။
၂၀၁၅ ခုနှစ်အတွက် မဏ္ဍပ်နေရာချထားရေးကော်မတီက မတ်လ အတွင်း ချထားပေးခဲ့တဲ့ မဏ္ဍပ်တွေကတော့ ရွှေပိတောက်၊ ပိတောက်ချစ်သူ၊ သင်္ကြန်ချစ်သူ၊ ရန်ကုန်သင်္ကြန် ၂၀၁၅၊ နွေဦးသင်္ကြန်၊ နှစ်သစ်ပိတောက်၊ ဟန်နွေဦး၊ တန်ခူးရေ၊ တန်ခူးလေပြေ၊ ပိတောက်ဝါ၊ အားသစ်မာန်၊ နွေရာသီပွဲတော် ၂၀၁၅ အပါအဝင် မဏ္ဍပ် ၃၆ ခု ရှိပြီဖြစ်ပါတယ်။

ဧရာဝတီ