ကချင်ပြည်နယ် မိုးကောင်း - ကာမိုင်း - ဖားကန့် လမ်းခင်းနေတဲ့ အခြေအနေကို သွားရောက်စစ်ဆေးတဲ့ ကချင်ပြည်နယ် အစိုးရလမ်းပန်းဆက်သွယ်ရေးဝန်ကြီး ဦးကမန်ဒူးနော်နဲ့ အဖွဲ့ကို KIA ကချင်လွတ် မြောက် ရေးတပ်ဖွဲ့က တားဆီးခဲ့ပြီး ဝန်ကြီးအဖွဲ့နဲ့အတူ လိုက်ပါသွားတဲ့ ရဲတပ်ဖွဲ့ဝင် ၃ ဦးကို ဖမ်းဆီးခေါ်ဆောင် သွားကြောင်း သတင်းတွေ ထွက်ပေါ်နေပါတယ်။
ဝန်ကြီး ဦးကမန်ဒူးနော်နဲ့ အဖွဲ့ဟာ ဇန်နဝါရီလ ၁၃ ရက်နေ့က မိုးကောင်း- ဖားကန့် ကားလမ်း အခြေအနေ ကို လိုက်လံစစ်ဆေးပြီး ဖားကန့်မှာ ညအိပ်ရပ်နားခဲ့တာပါ။ ဗုဒ္ဓဟူးနေ့ ဇန်နဝါရီလ ၁၄ ရက်နေ့ မနက်ပိုင်း မှာတော့ ဖားကန့်ကနေ လုံးတုံး- ဟိုပင် လမ်းအတိုင်း ခရီးဆက်ခဲ့ချိန်မှာ ဟွေလုံကျေးရွာနားအရောက် KIA တပ်တွေက ဝန်ကြီးနဲ့အဖွဲ့ကို တားမြစ်ခဲ့တယ်လို့ နေပြည်တော်ကရတဲ့ သတင်းတရပ်က ဖော်ပြပါတယ်။
ပြည်နယ် လမ်းပန်းဆက်သွယ်ရေးဝန်ကြီး ဦးကမန်ဒူးနော်တို့ကို ပြန်လွှတ်ပေးလိုက်ပေမဲ့ လုံခြုံရေးအတွက် အတူလိုက်ပါသွားတဲ့ ရဲတပ်ဖွဲ့ဝင် ၃ ဦးကိုတော့ KIA က ဖမ်းဆီး ခေါ်ဆောင်သွားတယ်လို့ ဆိုပါတယ်။ ဒီ သတင်းနဲ့ ပတ်သက်လို့ VOA က သီးခြား အတည်ပြုချက်ရဖို့ ကြိုးစားနေပေမဲ့ အခုထိတော့ မရသေးပါဘူး။
VOA
No comments:
Post a Comment