အိမ်ရှင်ပရိသတ် ကွင်းလုံးပြည့်အားပေးမှုက ကာတာအသင်းအတွက် ဖိအားရှိနေဟုဆို

အကြိုဗိုလ်လုပွဲအဆင့်တွင် အိမ်ရှင်မြန်မာအသင်းနှင့် တွေ့ဆုံနေသည့်အတွက် ပိုမိုခက်ခဲမည်ဖြစ်ပြီး ပရိသတ် များ၏ ကွင်းလုံးပြည့်အားပေးမှုကလည်း ဖိအားအနည်းငယ်ရှိကြောင်း ကာတာယူ-၁၉ အသင်း နည်းပြ Felix Sanchez  က ပြောသည်။

‘‘မြန်မာအသင်းက အသင်း လိုက်ကစားပုံနဲ့ စိတ်ဓာတ် ကောင်းတဲ့ အသင်းပါ။ အကြို ဗိုလ်လုပွဲစဉ်မှာ အိမ်ရှင်အသင်းနဲ့ ဆုံရတဲ့အတွက် ပိုခက်ခဲမှာပါ။ ကွင်းလုံးပြည့်လာရောက်အား ပေးတဲ့ ပရိသတ်တွေ ကလည်း စိတ်လှုပ်ရှားဖွယ်ရာဖြစ်ပြီး ကျွန် တော့်အသင်းအတွက် ဖိအားရှိပါ တယ်။ ဒါပေမဲ့ ဒီလိုအတွေ့ အကြုံတွေရှိထားတဲ့အတွက် ပြင် ဆင်ထားပြီးဖြစ်ပါတယ်’’ဟု ကာ တာအသင်းနည်းပြကဆိုသည်။

မြန်မာယူ-၁၉ အသင်း၏ အဓိကရည်မှန်းချက်ဖြစ်သည့် ကမ္ဘာ့ဖလားယူ-၂၀ ပြိုင်ပွဲဝင်ခွင့် ရရှိခဲ့ပြီဖြစ်သော် လည်း အာရှယူ -၁၉ ပြိုင်ပွဲအကြိုဗိုလ်လုပွဲစဉ် တွင် အကောင်းဆုံးယှဉ်ပြိုင်သွား မည်ဖြစ်ကြောင်း မြန်မာ အသင်း နည်းပြချုပ် ဂတ်ဖရိုင်းဒရစ်က ပြောသည်။

‘‘မြန်မာယူ-၁၉ အသင်းရဲ့ အဓိကရည်မှန်းချက်ဖြစ်တဲ့ ကမ္ဘာ့ ဖလားယူ-၂၀ ၀င်ခွင့်ရရှိထားပြီ ဖြစ်တဲ့အတွက် ဖိအားအများကြီး မရှိတော့ဘူးလို့ဆိုနိုင်ပေမယ့် လာမယ့်ပွဲစဉ်ကိုလည်း အကောင်းဆုံး ကျော်ဖြတ်နိုင်ဖို့ ကြိုးစားသွားမှာ ပါ။ ကာတာအသင်းအနေနဲ့ တစ် ဦးချင်းရော အသင်းလိုက်ပါ ကောင်းမွန်တဲ့ အသင်းဖြစ်တဲ့ အတွက် ခက်ခဲမှာ အမှန်ပါပဲ’’ ဟု မစ္စတာဂတ်ကပြောသည်။

အာရှယူ-၁၉ ပြိုင်ပွဲတွင် မြန်မာအသင်းသည် အုပ်စုအဆင့် တွင် အီရန်အသင်းကို (၀-၂) ဂိုးဖြင့် ရှုံးနိမ့် ခဲ့သော် လည်း ထိုင်း အသင်းကို (၃-၀) ဂိုးဖြင့် အနိုင် ရရှိကာ ယီမင်အသင်းနှင့် ဂိုးမရှိ သရေကျခဲ့ပြီး အုပ်စု ဒုတိယဖြင့် ကွာတားအဆင့်သို့ တက်ရောက်ခဲ့သည်။ ကွာတားအဆင့်တွင် မြန်မာအသင်းသည် ယူအေအီး အသင်းကို (၁-၀) ဂိုးဖြင့် အနိုင် ယူကာ အကြိုဗိုလ်လုပွဲအဆင့်သို့  တက်ရောက်ခဲ့ခြင်းဖြစ်သည်။

ကာတာအသင်းသည် အုပ်စုအဆင့်တွင် မြောက်ကိုရီးယား အသင်းကို (၃-၁) ဂိုး၊ အိုမန် အသင်းကို (၂-၀) ဂိုးဖြင့် အနိုင် ရရှိခဲ့ပြီး အီရတ်အသင်းနှင့် တစ် ဂိုးစီ သရေကျကာ အုပ်စုပထ မဖြင့် ကွာတားအဆင့်သို့ တက် ရောက်ခဲ့ခြင်းဖြစ်သည်။ ကာတာ အသင်းသည် ကွာတားအဆင့် တွင် တရုတ်အသင်းကို (၄-၂) ဂိုးဖြင့် အနိုင်ယူကာ အကြိုဗိုလ် လုပွဲသို့ တက်ရောက်ခဲ့ခြင်းဖြစ် သည်။

မြန်မာနှင့် ကာတာအသင်း တို့၏ အကြိုဗိုလ်လုပွဲစဉ်ကို အောက်တိုဘာ ၂၀ ရက် ယနေ့ ည ၇ နာရီတွင် သုဝဏ္ဏကွင်း၌ ကျင်းပမည်ဖြစ်သည်။

7Day DAILY