မြန်မာလုပ်သားနှစ်ဦးအတွက် မျှတသောတရားစီရင်ရေးဖြစ်ရန် ဆန္ဒပြနေစဉ် (ဓာတ်ပုံ− ကျော်ဇင်သန်း)
ဗြိတိန်စုံတွဲအသတ်ခံရမှု ဖြင့် တရားခံဟုစွပ်စွဲခံရသော မြန်မာလုပ်သားနှစ်ဦး မတရားဖမ်းဆီးခံရခြင်းကြောင့် ပြန်လွှတ် ပေးရန်နှင့် တရားမျှတစွာ တရားစီရင်ပေးရန် ဒီမိုကရေစီတက်ကြွလှုပ်ရှားသူများက ဆန္ဒပြတောင်းဆို ခဲ့ကြသည်။
အောက်တိုဘာ ၉ ရက် ညနေ၄ နာရီအချိန်တွင် ဒီမိုကရေစီ အရေးတက်ကြွလှုပ်ရှားသူ ၁၀ ဦး သည် ထိုင်းနိုင်ငံတွင် မြန်မာ လုပ် သားနှစ်ဦး မတရားဖမ်းဆီးခံ နေရခြင်းကြောင့် ပြန်လွှတ်ပေးရန် နှင့် တရားမျှတစွာ တရားစီရင်ပေး ရန် မဟာဗန္ဒုလပန်းခြံကို တစ်ပတ်ပတ်ကာ ဆူးလေစေတီတွင် အဆိုပါနှစ်ဦး ပြန်လွတ်ရန် အတွက် ဆုတောင်းမှုများပြုလုပ်ခဲ့သည်။
‘‘မြန်မာနှစ်ဦးဖမ်းဆီးခံရတာ နဲ့ ပတ်သက်ပြီး သတင်းတွေဖတ် တော့ မတရားဖမ်းဆီးခံရတာလို့ သုံးသပ်တယ်။ မေးမြန်းကြည့် တော့ ထိုင်းရဲတပ်ဖွဲ့က ဒီလိုမျိုး ကိစ္စတွေမှာ တရားခံတွေကို လူ စားထိုးပြုလုပ်နေတာတွေရှိတယ် လို့သိရတယ်။ အခုမြန်မာနှစ်ဦးက လည်း မတရားခံနေရတာပဲလို့ သုံးသပ်တယ်။ အဲဒါကြောင့် ဆန္ဒပြတောင်းဆိုတာပါ။ သူ့ကိုလွှတ်ပေးဖို့ပါ’’ဟု ဆန္ဒပြရာတွင် ဦးဆောင်သူ ဦးဘမြင့်ကပြောသည်။
ဆန္ဒပြတောင်းဆိုရာတွင် သက်ဆိုင်ရာအာဏာပိုင်များထံ ခွင့်ပြုမိန့်တောင်းခံခြင်းမရှိဘဲ ပြု လုပ်ခြင်းဖြစ်ကြောင်း ၎င်းက ပြောသည်။ ဆန္ဒပြရာတွင် ‘‘ထိုင်းဝန်ကြီး ချုပ်မြန်မာရွှေ့ပြောင်းလုပ်သား များကို အကာအကွယ်ပေး၊ စွပ်စွဲ ခံမြန်မာနိုင်ငံသားနှစ်ဦးကို သံသ ယအကျိုးခံစားခွင့်ပေးပါ၊ ထိုင်း ၀န်ကြီးချုပ်အား ကြိုဆိုပါ၏၊ မြန်မာသမ္မတနှင့် ထိုင်းဝန်ကြီးချုပ်တို့ ထိုင်းရောက် မြန်မာနိုင်ငံသား များကို ဥပဒေအရ အကာအ ကွယ်ပေးပါရန်’’စသည့် ဆိုင်း ဘုတ်များကိုင်ဆောင်ကာ တောင်းဆိုဆန္ဒပြခဲ့ခြင်းဖြစ်သည်။
7Day DAILY
No comments:
Post a Comment