တစ်ခါတစ်လေ သွားရင်းလာရင်းနဲ့ ကိုယ်ဝတ်ဆင်လာတဲ့ အင်္ကျံ၊ ဖိနပ်၊ ဘရာ စတာတွေက အဆင် မပြေဖြစ်ပြီး ဘာလုပ်ရမှန်းမသိတဲ့ အခြေအနေတွေ ဖြစ်တတ်ပါတယ်။ ဒီတော့ ဖက်ရှင်နဲ့ပတ်သက်ပြီး အရေးပေါ်အခြေအနေ ကြုံလာတဲ့အခါ ဒီနည်းလေးတွေ သုံးကြည့်ဖို့ အကြံပေးချင်ပါတယ်။
၁။ဖိနပ်ကို တစ်ခုခုနဲ့ ခြစ်မိသွားလို့ အရာထင်သွားတဲ့အခါ
သွားရမယ့်နေရာက သာမန်မဟုတ်ဘူး။ ဒင်နာပါတီ၊ ပွဲတစ်ခုခုဖြစ်နေတယ် ဆိုရင် ဖိနပ်မှာ သွားရင်း လာရင်း တစ်ခုခုနဲ့ခြစ်မိလို့ အရာထင်သွားတဲ့အခါ စိတ်ကသိကအောက် ဖြစ်ရမှာအမှန်ပါပဲ။ ဒီတော့ အဲ့ဒီလို မဖြစ်ရအောင် ဖိနပ်မှာထင်နေတဲ့ အစင်း၊ အရာကို ပိတ်စတစ်ခုခုနဲ့ ပွတ်တိုက်ရပါလိမ့်မယ်။ ပိတ်စသားပေါ် မူတည်ပြီး သင့်ဖိနပ်ဟာ အသစ်တစ်ရံလိုတောင် ဖြစ်သွားနိုင်ပါသေးတယ်။ လည်သာလိုမျိုးအသားဆိုရင် သွားတိုက်ဆေးနဲ့ နည်းနည်းလေး တိုက်လိုက်ရုံပါပဲ။ နည်းနည်းကြမ်းတဲ့အသားမျိုးဆိုရင် ခဲဖျက်လေးကို အသုံးပြုပြီး အမှတ်၊ အစင်းကို ဖျက်ပစ်နိုင်ပါတယ်။ canvas လိုအသားမျိုးဆိုရင်တော့ မုန့်ဖုတ်ဆိုဒါနည်းနည်းလေး သုံးပေးလိုက်ပေါ့။ ၀ါနေတာတွေတောင် ပျောက်သွားဦးမှာပါ။
၂။ဘောင်းဘီ၊ ဖိနပ်မှာ ပီကေကပ်သွားတဲ့အခါ
လမ်းလျှောက်ရင်း ပီကေတွေ ဖိနပ်မှာ ကပ်သွားတဲ့အခါ၊ ဒါမှမဟုတ် ဘောင်းဘီမှာ ပီကေတွေ ကပ်နေတဲ့ အခါမျိုးတွေမှာ ဒါကို ပြန်ခွာဖို့အခက် အခဲရှိတယ်ဆိုရင် ခုနကပ်နေတဲ့ပီကေပေါ်မှာ ရေခဲတုံးလေးတွေ နည်းနည်းပွတ်ပေးလိုက်ပါ။ ဒါဆို ပီကေက ပျော့မနေတော့ပဲ မာလာပြီး ခွာရလွယ်ကူသွားပါပြီ။
၃။အသားကပ်ဘောင်းဘီအပါးကို တစ်ခုခုနဲ့ ငြိမိတဲ့အခါ
ပါးလွှာတဲ့ အသားကပ်ဘောင်းဘီကို တစ်ခုခုနဲ့ငြိမိသွားရင် အားလုံးဆက် တိုက်ပြဲရိသွားဖို့သာရှိပါတယ်။ ဒီတော့ အဲ့ဒီလိုမဖြစ်ရအောင် သင့်မှာရှိတဲ့ အရောင်မပါတဲ့ လက်သည်း polish လိုဟာမျိုးကို သုတ်ပေး လိုက်ရင် အဆင်ပြေသွားပါလိမ့်မယ်။
၎။သင့်အ၀တ်အစားမှာ ကြောင်မွှေး၊ ခွေးမွှေးစတာတွေ ကပ်နေတဲ့အခါ
သင်ဝတ်မယ့် အင်္ကျံ၊ ဘောင်းဘီစတာတွေမှာ ကြောင်မွှေး၊ ခွေးမွှေးတွေ ကပ်နေတာမို့ ခါရတာ အကုန်အစင် မဖြစ်လို့ စိတ်ညစ်နေရတယ်ဆိုရင် လက်နဲ့ခါနေမယ့်အစား တိပ်ခပ်ကြီးကြီးကို လက်မှာ ပတ် လိုက်ပြီး အဲ့ဒါနဲ့ ခါလိုက်မယ်ဆိုရင် မြန်မြန်ဆန်ဆန်ပြီးစီးသွားပါလိမ့်မယ်။
၅။ဘရာစီယာကြိုးကို လူမမြင်စေချင်တဲ့အခါ
တစ်ခါတစ်လေ ကိုယ်ဝတ်ထားတဲ့ ဘရာစီယာကြိုးဟာ ၀တ်ထားတဲ့အင်္ကျံနဲ့ မလိုက်ဖက်တာပဲဖြစ်ဖြစ်၊ ကြိုးကို မပေါ်စေချင်တာပဲဖြစ်ဖြစ် ဘယ်လိုလုပ်ရမလဲ အာရုံစားနေရင် တွယ်ချိတ်၊ ဒါမှမဟုတ် စက္ကူတွေ ဘာတွေ တွဲချိတ်လေ့ရှိတဲ့ ချိတ်မျိုးနဲ့ ကျောဘက်က ဘရာနှစ်ခုကို ဆွဲယူပြီး ကျောလယ်မှာ ချိတ်ထား လိုက်ပါ။ ဒါဆိုစွတ်ကျယ်လို ဟာမျိုးဝတ်ရင်တောင် သူ့ဟာနဲ့သူ အလယ်မှာ ပျောက်နေမှာပါ။
Ref:cosmopolitan.com
Trend Myanmar
No comments:
Post a Comment