အမေရိကန်ဦးဆောင်သောလေကြောင်းတိုက်ပွဲသည် မြောက်ပိုင်းရှိဆီးရီးယားတပ်များကို ကောင်းစွာ ဖျက် ဆီးတိုက်ခိုက်နိုင်ခဲ့ကြောင်း သတင်းများအရသိရသည်။ ညပိုင်းတိုက်ခိုက်မှုသည် အီရတ်က ဆီးရီးယား ဘက်သို့ အမေရိကန်၏လေကြောင်း တိုက်ပွဲတိုးချဲ့လိုက်ကြောင်း ပြသလိုက်သလို တိုက်ပွဲအခြေ အနေ ပြင်း ထန် လာနေသည် ဆိုသည် ကိုလည်း ပြသလိုက်ခြင်းဖြစ်သည်။
အဓိကပစ်မှတ်က IS (Islamic State) အဖွဲ့ဖြစ်ပြီး ISIS (သို့မဟုတ်) Islamis State of Iraq and Syria ဟုလည်းသိကြသည်။ အိုင်အက်စ်အဖွဲ့များခြေကုတ် ယူထားသည့် မြို့ လေးမြို့ကို ပစ်မှတ်ထားတိုက်ခိုက် ခဲ့ခြင်းဖြစ်ကြောင်း အမေရိကန်အာဏာပိုင်များကပြောကြားသည်။
အမေရိကန်လေကြောင်းတိုက်ခိုက်မှုတွင် ပူးပေါင်းပါဝင်သည့် နိုင်ငံများမှာ ဘာရိန်း၊ ဂျော်ဒန်၊ ဆော်ဒီ အာရေးဗီးယား၊ ကာတာနှင့် ယူအေအီး အာရပ်စော်ဘွားများနိုင်ငံတို့ဖြစ် သည်။ ဂျော်ဒန်အစိုးရက ၄င်း၏ လေတပ်မှ အကြမ်းဖက်သမားပစ်မှတ်ကိုဖျက်ဆီးနိုင်ခဲ့ကြောင်း ထုတ်ဖော်ပြောဆိုသည်။
တိုက်ပွဲထဲမှာဂျက်တိုက်လေယာဉ်တွေ၊ ဗုံးကြဲလေယာဉ်၊ လက်နက်တပ်ဆင် ထားသည့် မောင်းသူမဲ့လေ ယာဉ်၊ ပါရှန်ပင်လယ်ရှိ အမေရိကန်သင်္ဘောမှ ပစ်လွှတ်သော တိုမာဟော့ခ် ဒုံးကျည်များအသုံးချခဲ့ကြောင်း ပင်တာဂွန်က ထုတ်ပြန်ခဲ့သည်။
ဖျက်ဆီးနိုင်ခဲ့သည့် ပစ်မှတ်များတွင် အိုင်အက်စ်တပ်သားများ၊ လေ့ကျင့်ရေး စခန်းများ၊ ဌာနချုပ်များနှင့် ဗဟိုထိန်းချုပ်ရေးဌာနများ၊ သိုလှောင်ရုံ များ၊ ငွေကြေးထောက်ပံ့ရေးဌာန၊ ထောက်ပံ့ရေးနှင့် စစ်လက်နက် တပ်ဆင်ထားသည့် ယာဉ်များပါဝင်ကြောင်း ပင်တာဂွန်က ထုတ်ပြန်သည်။
တစ်ချိန်တည်းမှာပင်အမေရိကန်က အလက်ပို၏ မြောက်ဘက်ရှိ ကိုရာဆန် အုပ်စုဟု သိကြသည့် အယ်ကိုင်ဒါးလူဟောင်းများ၏ ကွန်ယက်အဖွဲ့ ကိုလေကြောင်းမှ ၈ ကြိမ်တိုက်ခိုက်ခဲ့သည်။ ၎င်းတို့သည် အမေရိကန်နှင့် အနောက်နိုင်ငံများကိုအကြမ်းဖက်တိုက်ခိုက်ရန် ကြံစည်နေကြောင်း ပင်တာဂွန်ကဆိုသော် လည်း အသေးစိတ်ကိုမူ ထုတ်ဖော်ပြောဆိုခြင်းမရှိပေ။
အလက်ပိုအနီးအမေရိကန်ကျောထောက်နောက်ခံပေးထားသည့် သူပုန်များကိုတိုက်ခိုက်နေသော အယ် ကိုင်ဒါး ကွန်ယက် အဖွဲ့ကို အမေရိကန်က တိုက်ခိုက်ခဲ့ရာမှာ ယင်းကွန်ရက်အဖွဲ့ဝင် ခုနစ်ဦးနှင့် အရပ်သား ရှစ်ဦးသေဆုံးခဲ့ကြောင်း လူ့အခွင့်အရေးအဖွဲ့များနှင့် အတိုက်အခံအဖွဲ့များကပြောသည်။
7Day DAILY
No comments:
Post a Comment