မြန်မာနိုင်ငံရှိ မိဘမဲ့ ကလေးများ၏ ဘဝ မြှင့်တင် ဆောင်ရွက် ပေးနိုင်ရန်နှင့် မိဘမဲ့ ကလေးငယ်များ တိုး ပွား လာသည့်နှုန်း လျော့နည်း သွားစေရန် အတွက် လူမှုဝန်ထမ်း ဦးစီးဌာနနှင့် UNICEF တို့က ပူးပေါင်း ဆောင်ရွက် သွားမည် ဖြစ်ကြောင်း သိရသည်။
ထို့အပြင် မိဘမဲ့ ကလေးငယ်များ၏ဘဝ လုံခြုံ စိတ်ချစေရန်၊ အာမခံချက် ရှိစေရန်နှင့် ၎င်းတို့အား စနစ်တကျ ပြုစု ပျိုးထောင်နိုင်ရန် အတွက် စီမံကိန်းများ ချမှတ် ဆောင်ရွက်မည့် အစီအစဉ်များ ရှိကြောင်း လူမှုဝန်ထမ်း ဦးစီးဌာနမှ တာဝန်ရှိသူ တစ်ဦးက ပြောကြားခဲ့သည်။
ထိုသို့ ဆောင်ရွက်ရာတွင် မိဘမဲ့ဂေဟာများ၏ လုပ်ထုံး လုပ်နည်းများကို ပြန်လည် သုံးသပ်ခြင်း၊ ဂေဟာများ ကို အဆင့် သတ်မှတ်ခြင်း၊ ဆင်းရဲ နွမ်းပါးသော မိသားစုများအား ကူညီ ထောက်ပံ့ခြင်းနှင့်
မိဘမဲ့ ကလေးငယ်များအား ပြုစု ပျိုးထောင်ရန် ပိုမိုကောင်းမွန်သော နည်းလမ်းများ အကောင် အထည်ဖော် ခြင်း စသည်တို့ကို လုပ်ဆောင်သွား မည် ဖြစ်ကြောင်း သိရသည်။
ယခုအချိန်တွင် ကလေး သူငယ်များအား ပိုမိုပြည့်စုံသော အခွင့်အရေးများ၊ ကာကွယ် စောင့်ရှောက်မှုများ ပေးနိုင်စေရန် အတွက် ကလေးသူငယ် ဥပဒေကို UNICEF နှင့် ပူးပေါင်းကာ ပြင်ဆင် ရေးဆွဲလျက် ရှိကြော င်း သိ ရ သည်။
လူမှုဝန်ထမ်း ဦးစီးဌာနနှင့် UNICEF တို့သည် ပြည်တွင်းရှိ မိဘမဲ့ ကလေးများနှင့် ပတ်သက်၍ လေ့လာ ကောက်ယူခဲ့သော စစ်တမ်းများအရ မြန်မာနိုင်ငံ ၌ ကလေးသူငယ် စောင့်ရှောက်ရေး ပရဟိတဂေဟာနှင့် သင်တန်းကျောင်း စုစုပေါင်း ၂၂ဝ ကျော်ရှိပြီး ကလေးသူငယ်ဦးရေ ၂၁၇ဝဝ နီးပါးကို စောင့်ရှောက် ပေးထားကြောင်းနှင့် အများစုမှာ တိုင်းရင်းသား ကလေးသူငယ်များ ဖြစ်ကြောင်း သိရသည်။
မြ၀တီ
No comments:
Post a Comment