ကမ္ဘာ့ဖလားပွဲ ဆွစ်ဇာလန်၊ ပြင်သစ်နဲ့ အာဂျင်တီးနားအနိုင်ရ

ဘရာဇီးနိုင်ငံမှာ ကျင်းပနေတဲ့ ၂၀၁၄ ခုနှစ် ကမ္ဘာ့ဖလားဗိုလ်လုပွဲစဉ်တွေရဲ့ အုပ်စုပတ်လည်ပွဲတွေကို တနင်္ဂနွေနေ့မှာ ဆက်လက် ပြုလုပ်ရာမှာ အစောပိုင်းက အုပ်စု E ပွဲစဉ် ၂ ခုနဲ့ အခု အသံလွှင့်နေစဉ် ကစားနေကြတဲ့ အုပ်စု F က Argentina နဲ့ Bosnia – Herzegovina တို့ ပွဲစဉ်တွေ ပါဝင်ပါတယ်။

ပထမပိုင်းကစားသွားတဲ့ အုပ်စု E ပွဲစဉ် ၂ ခုမှာတော့ ဆွစ်ဇာလန်အသင်းက အီကွေဒါနိုင်ငံအသင်းကို ၂ ဂိုး ၁ ဂိုးနဲ့အနိုင်ရသွားပါတယ်။ အုပ်စု E ဒုတိယပွဲစဉ်ဖြစ်တဲ့ ပြင်သစ်နဲ့ ဟွန်ဒူရပ်စ်ပွဲစဉ်မှာတော့ ပြင်သစ်က ၃ ဂိုး ဂိုးမရှိနဲ့ အနိုင်ရသွားပါတယ်။

အာဂျင်တီးနားနဲ့ Bosnia ပွဲစဉ်မှာတော့ ပွဲစပြီး မကြာခင် ကမ္ဘာ့အကောင်းဆုံး ဘောလုံးသမား အာဂျင် တီးနား တိုက်စစ်မှူး Lionel Messi ကန်တင်လိုက်တဲ့ ပြစ်ဒဏ်ဘောဟာ ဘော့စနီးယားနောက်တန်းလူနဲ့ ထိပြီး ဂိုးသွားခဲ့ရာက အာဂျင်တီးနားက ပထမပိုင်း ပြီးတဲ့အချိန်ထိ ၁ ဂိုး ဂိုးမရှိနဲ့ ဦးဆောင်နေခဲ့ပါတယ်။

ပွဲစဉ်တလျှောက် ၂ သင်းစလုံး တဖက်နဲ့တဖက် အပြိုင်အဆိုင် ထိုးစစ်ဆင်ကစားခဲ့ကြပေမယ့် အများစုက ချံပီယံဖြစ်နိုင်ခြေရှိတယ်လို့ ခန့်မှန်းထားတဲ့ အသင်းတွေထဲ ပါဝင်တဲ့ အာဂျင်တီးနားအသင်းအနေနဲ့ နောက်ထပ် ဂိုးသွင်းခွင့်ရအောင် မဖန်တီးနိုင်ဘဲ ဖြစ်နေခဲ့ရာကနေ တိုက်စစ်မှူး မက်စီက နောက်ထပ် တစ်ဂိုး ထပ်သွင်းလိုက်တဲ့အတွက် ၂ ဂိုး ဂိုးမရှိနဲ့ ဦးဆောင်နေခဲ့ပါတယ်။ နောက်ပိုင်းမှာ ဘော့စနီးယားက ချေပဂိုး ၁ ဂိုး ပြန်လည်သွင်းလိုက်နိုင်တဲ့အတွက် အာဂျင်တီးနားက ၂ ဂိုး ၁ ဂိုးနဲ့ အနိုင်ရသွားပါတယ်။

ဗွီအိုအေ (မြန်မာဌာန)