မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ၆၉ နှစ်မြောက် မွေးနေ့ပွဲများကို ရန်ကုန်၊ နေပြည်တော် အပါအ၀င် နိုင်ငံတ၀န်းကျင်းပခဲ့ပြီး ဒေါ်အောင်ဆန်းစုကြည်က မွေးနေ့ဆုတောင်းအဖြစ် ပြည်သူများကို တိုင်းပြည်၏ ဒီမိုကရေစီအသွင်ကူးပြောင်းရေးတွင်သူနှင့်အတူ ရပ်တည်ပေးကြရန် တောင်းဆို လိုက်သည်။
ရန်ကုန်မြို့တွင် ၁၉၄၅ ခုနှစ်က မွေးဖွားခဲ့သော အမျိုးသား ဒီမိုကရေစီ အဖွဲ့ချုပ် (NLD)၏ ဥက္ကဋ္ဌ ဒေါ်အောင် ဆန်း စုကြည်က သူ၏နှစ်စဉ် မွေးနေ့ သံဓိဌာန်သည် တူညီသည့် ပန်းတိုင်ဆီသို့ ရောက်ရှိနိုင်ရေး အတွက် ဖြစ်သည်ဟုပြောသည်။
“ဒါပေမယ့် မွေးနေ့တွေဟာ ပြီးခဲ့တဲ့ နှစ်မှာ ဘာတွေလုပ်ပြီးခဲ့ပြီလဲ ဆိုတာကို ပြန်ကြည့်ဖို့ အချိန်လို့ ကျမ ထင်ပါတယ်။ နိုင်ငံ ရေး သမားတယောက် အနေနဲ့ ကျမ ပုဂ္ဂိုလ်ရေး အရရရှိခဲ့တာတွေထက် တိုင်းပြည် အတွက် အကောင်းဆုံးဖြစ်မှာကို ပြီး မြောက် အောင်လုပ်ချင်ပါတယ်။ ကျမရဲ့ မိတ်ဆွေတွေ၊ လုပ်ဖော် ကိုင်ဖက် တွေ၊ NLD ပါတီဝင်တွေနဲ့ ကျမကိုချစ်တဲ့ သူအားလုံး ပျော်ရွှင်စွာနေနိုင်ကြပါစေလို့ ကျမဆုတောင်း ပါတယ်။ နောက်ပြီး ကျမအတွက် ဆုတောင်းပေးကြတဲ့ အခါ ကျမကို ဆက်လက်ထောက်ခံပြီးတော့ ကျမရဲ့ နိုင်ငံရေးခရီးမှာ အတူလျှောက်လှမ်းပေးကြပါလို့ တောင်းဆိုပါတယ်” ဟု ဒေါ်အောင်ဆန်းစုကြည်က နေပြည်တော် တွင် ယနေ့ပြောဆိုသည်။
ဒေါ်အောင်ဆန်းစုကြည်သည် ယနေ့ ၆၉ နှစ်မြောက် မွေးနေ့ ဇွန်လ ၁၉ ရက်နေ့ မနက်ပိုင်းတွင် လွှတ်တော် အစည်းအဝေး တက်ရောက်ခဲ့ပြီး ညနေ ၄ နာရီခန့်တွင် လွှတ်တော်ရှိ တရားဥပဒေစိုးမိုးရေး ကော်မီတီ ရုံးခန်းတွင် မွေးနေ့ ပွဲကျင်းပခဲ့ကာ NLD အမတ်များ၊ ကြံ့ခိုင်ရေး လွှတ်တော်အမတ် သူရ ဦးအောင်ကို တို့နှင့် ဒေါ်အောင်ဆန်းစုကြည် ဖိတ်ခေါ်ခဲ့သော လွှတ်တော် ၀န်ထမ်းများဖြစ်သည့် သန့်ရှင်းရေး လုပ်သား များ ၊ ပန်းခြံ အလုပ်သမားများ အပါအ၀င် လုပ်သားများ အားလုံး ကို မွေးနေ့ပွဲ တက်ရောက်ခဲ့ကြသည်။
နေပြည်တော်တွင် ဒေါ်အောင်ဆန်းစုကြည်ကို ထောက်ခံသူများက မွေးနေ့ အထိန်းအမှတ် အဖြစ် သွေး လှူဒါန်းခြင်း၊ စာပေ ဟောပြောပွဲ များပြုလုပ်ခဲ့ကြပြီး ရန်ကုန်မြို့ရှိ NLD ရုံးချုပ်တွင်လည်း ပါတီဝင်များက သံဃာတော်များကို ဆွမ်းကပ်လှူဒါန်းခဲ့ကြောင်း၊ မွေးနေ့ပွဲ ကျင်းပခြင်းများ လုပ်ဆောင်ခဲ့ကြသည်။
ဧရာဝတီ
No comments:
Post a Comment