အီရတ် နိုင်ငံတွင်းသို့ စစ်ဘက်ဆိုင်ရာ အကြံပေး ပုဂ္ဂိုလ် ၃ဝဝ ဦးကို စေလွှတ်သွားရန် အမေရိကန် ပြည်ထောင်စု အနေဖြင့် အသင့်ရှိနေကြောင်း ဇွန် ၁၉ ရက်တွင် အမေရိကန် သမ္မတ ဘားရက်အိုဘားမားက ပြောကြားသည်။
အီရတ်နိုင်ငံ အတွင်း၌ တိုက်ခိုက် သိမ်းပိုက်မှုများ လုပ်ဆောင်နေသည့် ဆွန်နီ အကြမ်းဖက် သမားများကို တန်ပြန် တိုက်ခိုက်မှုများ ပြုလုပ်နိုင်ရန် အတွက် အီရတ် တပ်ဖွဲ့ဝင်များကို လက်နက်တပ်ဆင် လေ့ကျင့်ပေး မည့် စစ်ဘက်ဆိုင်ရာ အမေရိကန် အကြံပေး ပုဂ္ဂိုလ်များကို ယင်းနိုင်ငံ အတွင်းသို့ စေလွှတ်ရန် အသင့်ရှိနေ ကြောင်း၊ ၎င်းအကြံပေး ပုဂ္ဂိုလ်များသည် အီရတ်နိုင်ငံ၏ အကြမ်းဖက်မှု လေ့လာစောင့်ကြည့် ရေးနှင့် စုံစမ်းထောက်လှမ်းရေး အဖွဲ့များ၏ စွမ်းရည်ကိုလည်း မြှင့်တင် ပေးသွားမည် ဖြစ်ကြောင်း အိုဘားမား က ပြောကြားသည်။
အမေရိကန် တပ်ဖွဲ့ဝင်များသည် လွန်ခဲ့သော သီတင်းပတ် အတွင်းက ဆွန်နီအကြမ်းဖက် သမားများ၏ လက်အတွင်းသို့ ကျရောက်ခဲ့ရသော မိုဆူလ်မြို့ အနီးတစ်ဝိုက်နှင့် ဘဂ္ဂဒက်မြို့ရှိ အချက်အချာ နေရာများတွင် အီရတ် တပ်ဖွဲ့ဝင်များနှင့် အတူ ပူးတွဲ စစ်ဆင်ရေး များကို လုပ်ဆောင်သွားနိုင်ဖွယ် ရှိကြောင်း အိုဘားမားက ထပ်လောင်း ပြောကြားသည်။
မြ၀တီ
No comments:
Post a Comment