နှစ်နိုင်ငံတပ်မတော်အကြား ပူးပေါင်းဆောင်ရွက်ရေး တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ဂျပန်ကိုယ်ပိုင်ကာကွယ်ရေးတပ်ဖွဲ့ စစ်ဦးစီးချုပ်တို့ ဆွေးနွေး

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ဂျပန်ကိုယ်ပိုင်ကာကွယ်ရေးတပ်ဖွဲ့ စစ်ဦးစီးချုပ် General ရှင်ဂျီယုအီဝါဆာကီတို့သည် မေ ၂၇ ရက် နံနက်ပိုင်းက နေပြည်တော်ရှိ ဇေယျာသီရိဗိမာန် ဧည့်ခန်းမဆောင်၌ တွေ့ဆုံဆွေးနွေးမှုများ ပြုလုပ်ခဲ့ကြောင်း နိုင်ငံပိုင် ရုပ်မြင်သံကြားသတင်းထုတ်လွှင့်ချက်အရ သိရသည်။
ထိုသို့ တွေ့ဆုံရာတွင် ယခုနှစ်သည် ၁၉၅၄ ခုနှစ်မှစတင်ခဲ့သော မြန်မာ-ဂျပန် သံတမန်ဆက်ဆံရေး နှစ်(၆၀)ပြည့်သည့် နှစ်ဖြစ်ကြောင်း၊ ငြိမ်းချမ်းစွာ အတူယှဉ်တွဲနေထိုင်ရေး မူကြီးငါးရပ်ကို မြန်မာ၊ တရုတ်၊ အိန္ဒိယသုံးနိုင်ငံ သဘောတူလက်မှတ်ရေးထိုးခဲ့သည့် နှစ် (၆၀) ပြည့်လည်းဖြစ်၍ ထူးခြားကြောင်း၊ မြန်မာတပ်မတော်နှင့် ဂျပန်တပ်မတော်တို့သည် သမိုင်းအရ ဆက်စပ်မှုများ ရှိခဲ့ကြောင်း၊ ဂျပန်နိုင်ငံနှင့် နှစ်နိုင်ငံတပ်မတော်နှစ်ရပ်ကြားပူးပေါင်းဆောင်ရွက်နိုင်မည့် နယ်ပယ်များတွင် အပြန်အလှန် ချစ်ကြည်ရင်းနှီးစွာ ဆက်ဆံရေးမြှင့်တင် ဆောင်ရွက်သွားမည်ဖြစ်ကြောင်းစသည်ဖြင့် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားခဲ့သည်။အလားတူ ဂျပန်ကိုယ်ပိုင်ကာကွယ်ရေးတပ်ဖွဲ့ စစ်ဦးစီးချုပ်ကလည်း ဂျပန်-မြန်မာဆက်ဆံရေးသမိုင်းသည် ရှည်လျားစွာရှိခဲ့ကြောင်း၊ လက်ရှိမြန်မာနိုင်ငံအနေဖြင့် အာဆီယံအလှည့်ကျဥက္ကဋ္ဌ တာဝန်ထမ်းဆောင်နေချိန်တွင် အာဆီယံတပ်မတော်ပိုင်းဆိုင်ရာ အစည်းအဝေးများ အောင်မြင်စွာ ကျင်းပဆောင်ရွက်နိုင်သည်ကိုလည်း ဂုဏ်ယူပါကြောင်း၊ နှစ်နိုင်ငံတပ်မတော်နှစ်ရပ် အပြန်အလှန် ချစ်ကြည်ရေးခရီးစဉ်များအပါအ၀င် နည်းလမ်းပေါင်းစုံဖြင့် ဆက်ဆံရေး ပူးပေါင်းဆောင်ရွက်ရေးကိစ္စရပ်များ ပူးပေါင်းဆောင်ရွက်သွားမည်ဖြစ်ကြောင်း စသည်ဖြင့် ပြန်လည်ပြောကြားခဲ့ကြောင်း သိရသည်။

Eleven Media Group