စစ်တွေမြို့နယ်၊ သက္ကယ်ပြင်ဘင်္ဂါလီကျေးရွာတွင် မေလ ၂၅ ရက်နံနက်က လူသတ်မှုတစ် ခုဖြစ်ပွားခဲ့ပြီး ပြစ်မှု ကျူးလွန်သည့်အမျိုးသားကို ဒေသခံရွာသားများ က ၀ိုင်းဝန်းရိုက်နှက်ရန် ကြိုးစား သောကြောင့် လုံထိန်းရဲတပ်ဖွဲ့မှ အဆိုပါအမျိုးသားအား ဖမ်းဆီးကာ စစ်တွေမြို့မရဲစခန်းသို့ လွှဲပြောင်းပေးခဲ့ကြောင်း သတင်း ရရှိသည်။
‘‘လင်မယားချင်းစကားများ ပြီး ယောက်ျားက မိန်းမကို ဓားနဲ့ ငါးချက် ဆင့်ထိုးသွားခဲ့တာ။ မိန်းမဘက်က အမျိုးတွေက ၀ိုင်းရိုက်မယ်ဆိုတဲ့ သတင်းကြားလို့ အမြန်သွား ဖမ်းပြီး မြို့မရဲစခန်းကို လွှဲပေး လိုက်တာပါ။ ကျန်တာတော့ ရဲစ ခန်းနဲ့ပဲဆိုင်ပါတော့တယ်’’ဟု စစ် တွေမြို့ရှိ ဘင်္ဂါလီကျေးရွာများ တွင် လုံခြုံရေးတာဝန်ယူထား သည် အမှတ် (၃၂) လုံခြုံရေးရဲ တပ်ဖွဲ့ခွဲ့မှရဲအရာရှိတစ်ဦးက ပြောသည်။
စစ်တွေမြို့ရှိ သဲချောင်း ဘင်္ဂါလီကျေးရွာတွင် နေထိုင် သော အမျိုးသားတစ်ဦးသည် လင်မယားချင်းစကား များ၍ သက္ကယ်ပြင်ဘင်္ဂါလီကျေးရွာသို့ သွားရောက်နေထိုင်နေသည့် ၎င်း၏ဇနီးကို မေလ ၂၅ ရက် နံနက်က လာခေါ်စဉ် ပြန်မလိုက်သောကြောင့်ဓားဖြင့် ထိုးသတ်ခဲ့ခြင်းဖြစ်သည်ဟု ၀န်ခံထားကြောင်း စစ်တွေမြို့မ ရဲစခန်းမှ အမှုစစ်ရဲအရာရှိကပြောသည်။
အဆိုပါအမျိုးသားမှာ အသက် (၃၀) အရွယ်ရှိပြီး ၎င်းကို စစ်တွေမြို့မရဲစခန်းတွင် ပြစ်မှု ဥပဒေ ၃၀၂ ဖြင့် အမှုဖွင့် စစ်ဆေး လျက်ရှိသည်။
7Day News Journal
No comments:
Post a Comment