ဆယ်စုနှစ် နှစ်ခုကျော်ကြာမှ ပြန်လည် ဖွင့်လှစ်ခဲ့သော ရန်ကုန်တက္ကသိုလ်
အဆောင်များတွင် နေထိုင်သည့် ပထမနှစ် ဝိဇ္ဇာ၊ သိပ္ပံထူးချွန် ကျောင်းသား၊
ကျောင်းသူများ နိုင်ငံရေး ပြုလုပ်လိုပါက အဆောင်မှူးနှင့် တက္ကသိုလ်
တာဝန်ခံများကို ခွင့်ပြုချက် တင်ပြီးမှသာ ဆောင်ရွက်ရမည် ဖြစ်ကြောင်း
ရန်ကုန်တက္ကသိုလ် သင်တန်းရေးရာ ဌာနမှူး ဒေါက်တာလှဆွေက The Voice သို့
ပြောကြားသည်။
ရန်ကုန်တက္ကသိုလ် ကျောင်းသား၊ ကျောင်းသူများအတွက်
သီးသန့် စည်းကမ်းချက်များ ထုတ်ပြန် မထားသော်လည်း တက္ကသိုလ် ပရိဝုဏ်အတွင်း
ကြော်ငြာခြင်း၊ စည်းရုံးခြင်းနှင့် လှုံ့ဆော်ခြင်း မပြုလုပ်ရန်
ကန့်သတ်ထားကြောင်း ၎င်းကထပ်လောင်း ပြောကြားသည်။“ကျောင်းသားတွေရဲ့ ကိုယ်ပိုင် လွတ်လပ်ခွင့်ကို ပိတ်ပင်ထားတာမျိုး လုံးဝမရှိဘူး။ ဒါပေမဲ့ လှုပ်ရှားမှုတစ်ခု လုပ်မယ်ဆိုရင် ကျောင်းမှာရှိတဲ့ သက်ဆိုင်ရာ အုပ်ချုပ်သူကို ခွင့်ပြုချက် တောင်းဖို့လို တယ်” ဟု ဒေါက်တာလှဆွေက ပြောဆိုသည်။
အဆိုပါ တက္ကသိုလ် အဆောင်နေ ကျောင်းသားများသည် အဆောင်သို့ ည ၁၀ နာရီ နောက် ဆုံး ရောက်ရှိရမည် ဖြစ်ပြီး ကျောင်းသူများက ညနေ ၆ နာရီ နောက်ဆုံး ရောက်ရှိရမည် ဖြစ်ကြောင်း၊ ထမင်းစားချိန်ကို နံနက် ၆ နာရီမှ ၉ နာရီ၊ ညနေ ၄ နာရီမှ ၆ နာရီအထိ နှစ်ကြိမ် သတ်မှတ် ထားကြောင်း အဆောင် စည်းကမ်းချက်များအရ သိရသည်။
ရန်ကုန် တက္ကသိုလ်၌ ၁၉၇၀ ပြည့်နှစ် ကျော်နှစ်များတွင် ကျောင်းသားသမဂ္ဂ ဖွဲ့စည်းခွင့်မှ လွဲ၍ အနုပညာ အသင်းအဖွဲ့၊ အားကစား အသင်းအဖွဲ့၊ သက်ဆိုင်ရာ မြို့နယ်အလိုက် အသင်းများ ဖွဲ့စည်းကာ ခရီးထွက်ခြင်း စသည့်လှုပ်ရှားမှုများကို လွတ်လွတ်လပ်လပ် ဆောင်ရွက်ခွင့် ရရှိခဲ့ကြောင်း အမျိုးသား ဒီမိုကရေစီ အဖွဲ့ချုပ် ပညာရေးရာ ကော်မတီ ဝင် ဒေါက်တာသိန်းလွင်က The Voice သို့ ပြောကြားသည်။
အဆောင်နေထိုင်ခွင့် ပြုခဲ့သော ရန်ကုန် တက္ကသိုလ်တွင် အဆောင်နေ ကျောင်းသား၊ ကျောင်းသူ ရှစ်ဆယ်နီးပါး ရှိပြီး အမျိုးသမီးများကို ရွှေဘိုဆောင်နှင့် ဒဂုံဆောင်တွင် ထားရှိကာ အမျိုးသားများကို အင်းဝ၊ ပင်းယ၊ ပဲခူးနှင့် စစ်ကိုင်းဆောင်တို့တွင် ထားရှိကြောင်း ရန်ကုန်တက္ကသိုလ် စီမံဌာနထံမှ သိရသည်။
The Voice Weekly
No comments:
Post a Comment