ကုလသမဂ္ဂ၏ မြန်မာနိုင်ငံဆိုင်ရာ အထူးအကြံပေး ပုဂ္ဂိုလ်မစ္စတာဗီဂျေနမ် ဘီးယားနှင့် အဖွဲ့ သည် မြစ်ကြီး နားမြို့ သီတာရပ်ကွက် အောင်ဆန်းလမ်းရှိ သီတာခရစ်ယာန် နှစ်ခြင်းအသင်းတော်ခန်းမ၌ ယမန်နေ့ က မြစ်ကြီးနား မြို့ရှိ ဒေသခံ ပြည်သူများအား တွေ့ဆုံသည်။
ရှေးဦးစွာ ပြည်နယ်ဝန်ကြီးချုပ်က ဒေသခံ ပြည်သူများ အနေဖြင့် မစ္စတာ ဗီဂျေနမ် ဘီးယားနှင့် ယခုကဲ့ သို့ တွေ့ဆုံစဉ် မိမိတို့၏ အမြင်များကို လွတ်လွတ်လပ်လပ် ဆွေးနွေးပြော ကြား နိုင် ပါကြောင်းဖြင့် ပြောကြားသည်။
ထို့နောက် ပြည်ထောင်စု ဝန်ကြီး ဦးအုန်းမြင့်က မိမိတို့နိုင်ငံ ထာဝရ ငြိမ်း ချမ်းရေးနှင့် တည်ငြိမ် အေး ချမ်းရေးတို့အတွက် အကောင် အထည် ဖော်ဆောင် ရွက်နေမှု၊ ကေအိုင်အို/ ကေအိုင်အေ အဖွဲ့နှင့် ယုံကြည်မှု တည်ဆောက် လျက်ရှိရာ အောင်မြင်မှု များရရှိနေမှု၊ ငြိမ်းချမ်းရေး လုပ်ငန်းစဉ်များ တစ်ဆင့်ပြီး တစ်ဆင့် ဖော်ဆောင်လျက်ရှိရာ ရလဒ်ကောင်း များရရှိနေမှု၊ ကချင်ပြည်နယ်ရှိ ပြည်သူ လူထု တစ်ရပ်လုံး ပါဝင်ပြီး အင်တိုက်အားတိုက် ပူးပေါင်းဆောင်ရွက် နေမှုတို့နှင့် စပ်လျဉ်း၍ ဆွေးနွေး ပြောကြားသည်။
ယင်းနောက် မစ္စတာ ဗီဂျေနမ်ဘီးယားက အမျိုးသား ပြန်လည်သင့်မြတ်ရေး၊ ငြိမ်းချမ်းရေး တို့အတွက် အကောင်းမြင် အပြုသဘောဆောင် စိတ်များဖြင့် လွတ်လပ် ပွင့်လင်းစွာ ဆွေးနွေးပြောကြား နိုင် ပါကြောင်း၊ ဒေသ တည်ငြိမ် အေးချမ်းပြီး ဖွံ့ဖြိုးရေး လုပ်ငန်းများ ဆောင်ရွက်နိုင်ရန် ဝိုင်းဝန်းကြိုး ပမ်း ဆောင် ရွက်ကြ ရမည်ဖြစ်ပြီး ကုလ သမဂ္ဂက လိုအပ်သည် များကို ကူညီပံ့ပိုး ဆောင်ရွက် သွားမည်ဖြစ်ပါကြောင်း ဆွေးနွေး ပြောကြားသည်။
ထို့နောက် ဒေသခံ ပြည်သူများက သိရှိ လိုသည်များကို ဆွေးနွေး မေးမြန်း ကြ သည်။ ယင်းနောက် မစ္စတာ ဗီဂျေနမ် ဘီးယားနှင့် အဖွဲ့သည် မြစ်ကြီး နားမြို့ မြို့သစ်ကြီး ရပ်ကွက်ရှိ ဂျန်မိုင်ကောင်း ကယ်ဆယ်ရေး စခန်းရှိ နယ်မြေ လုံခြုံရေး အခြေ အနေကြောင့် နေရပ်စွန့်ခွာ ပြည်သူများ၊ ဝိုင်းမော်မြို့ နယ် အမှတ်(၄)ရပ်ကွက်ရှိ သာဂရသရက်တော ကယ်ဆယ် ရေးစခန်းနှင့် မိုင်းနားကက်သလစ် ကယ်ဆယ်ရေး စခန်းတို့ရှိ နေရပ်စွန့်ခွာ ပြည်သူများအား ရင်းရင်းနှီးနှီး တွေ့ဆုံ ဆွေးနွေး ခဲ့ကြသည်။
မြ၀တီ
No comments:
Post a Comment