သတင်းမီဒီယာ ဥပဒေကြမ်းကို သြဂုတ် ၂၈ ရက်တွင် လွှတ်တော်၌ ဆွေးနွေးမည်ဖြစ်ကြောင်း သြဂုတ် ၂၆ ရက်ကပြုလုပ်သော အမျိုးသားလွှတ်တော်အစည်းအဝေးတွင် အမျိုးသားလွှတ်တော် ဥက္ကဋ္ဌဦးခင်အောင်မြင့် က ပြောကြားသည်။
အဆိုပါ သတင်းမီဒီယာ ဥပဒေကြမ်းကို မြန်မာနိုင်ငံ စာနယ်ဇင်းကောင်စီ (ယာယီ) မှ ရေးဆွဲခဲ့ခြင်းဖြစ်ပြီး ရန်ကုန်တိုင်းဒေသကြီး မဲဆန္ဒနယ် အမှတ် (၃)မှ အမျိုးသားလွှတ်တော် ကိုယ်စားလှယ် ဦးဖုန်းမြင့်အောင်က သြဂုတ် ၂၃ ရက်တွင် လွှတ်တော်၌ တင်သွင်းခဲ့ခြင်း ဖြစ်သည်။"သြဂုတ် ၂၈ ရက်မှာ ဆွေးနွေးမှာ ဖြစ်ပြီးတော့ ဥပဒေကြမ်း ကော်မတီ က ဆွေးနွေတဲ့ ကိုယ်စားလှယ်များနဲ့ ညှိနှိုင်းပြီးတော့ သြဂုတ် ၂၉ ရက်မှာ အစီရင်ခံစာ တင်ပြဖို့ ဖြစ်ပါတယ်။ အဆင်ပြေရင် သြဂုတ် ၃၀ ရက်မှာ လွှတ်တော်ရဲ့ အဆုံးအဖြတ် ရယူသွားမှာ ဖြစ်ပါတယ်" ဟု အမျိုးသားလွှတ်တော် ဥက္ကဋ္ဌ ဦးခင်အောင်မြင့် က ပြောကြားသည်။
ယင်းဥပဒေကြမ်းကို မူလက ပြန်ကြားရေးဝန်ကြီးဌာနမှတစ်ဆင့် လွှတ်တော်သို့ တင်သွင်းရန် ပြုလုပ် ထားသော်လည်း မြန်မာနိုင်ငံစာနယ်ဇင်းကောင်စီ(ယာယီ)နှင့် ပြန်ကြားရေးဝန်ကြီးဌာနတို့အကြား သဘော မတူသည့်အချက်များရှိသဖြင့် ၀န်ကြီးဌာနအနေဖြင့် လွှတ်တော်သို့ တင်သွင်းပေးရန် မဖြစ်နိုင်ကြောင်း ပြော ကြားခဲ့သဖြင့် ယခုကဲ့သို့ လွှတ်တော်ကိုယ်စားလှယ်မှတစ်ဆင့် တင်သွင်း ခဲ့ခြင်း ဖြစ်သည်။
ထို့အပြင် မြန်မာနိုင်ငံ စာနယ်ဇင်းကောင်စီ (ယာယီ) မှ ဥပဒေကြမ်း ရေးဆွဲပြီး လွှတ်တော်မတင်မီ စပ်ကြား တွင် ပြန်ကြားရေးဝန်ကြီးဌာနမှ ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကြမ်းကို လက်ဦးမှုရယူ၍ လွှတ်တော်သို့ တင်သွင်းခဲ့သဖြင့် စာနယ်ဇင်း လောကသားအများအပြားက ကန့်ကွက်ခဲ့ပြီး အဆိုပါ ပုံနှိပ် ဥပဒေကြမ်းပါ ပုဒ်မများသည် မီဒီယာလောကအား တစ်ဖက်လှည့် ထိန်းချုပ်ခြင်းသာဖြစ်ကြောင်း ရှုမြင် ခဲ့ကြသည်။
Eleven Media Group
No comments:
Post a Comment