မိုဘိုင်းဖုန်းဖြင့် ရိုက်ယူပြီး အင်တာနက် လူမှုကွန်ရက် ဖေ့ဘွတ်တွင် တင်ထားသော လမ်းချော်လေယာဉ် (ဓာတ်ပုံ – Than Win / Facebook)
မေလ ၁၆ ရက် နေ့လည် ၁၂ နာရီခန့်တွင် ဟဲဟိုးမှမိုင်းဆတ်သို့ ပျံသန်း လာသော
မြန်မာ့လေကြောင်း လေ ယာဉ်ခရီးစဉ် အမှတ် ၆၄၅ လေယာဉ်သည် မိုင်းဆတ်လေဆိပ်သို့
ဆင်းသက်စဉ် စက်ချို့ယွင်း မှုကြောင့် ပြေးလမ်းချော်ကာ
ဘယ်ဘက်လေယာဉ်တောင်ပံနှင့် ဘီးများပျက်စီးခဲ့ပြီး ခရီးသည် ၂ ဦး
ဒဏ်ရာ ရရှိခဲ့ကြောင်း သတင်းရရှိသည်။
“ဒဏ်ရာရတဲ့သူတွေကို အခုလောလောဆယ် မိုင်းဆတ်တပ်မတော် ဆေးရုံကို
ပို့ထားပါတယ်။ ဒဏ်ရာ မပြင်းထန်ဘူး။ လေယာဉ်အဆင်းမှာ ဘရိတ်ချို့ယွင်းပြီးတော့
အရှိန်မထိန်းနိုင်ပဲ ပြေးလမ်းကို ချော်သွားတာပါ” ဟု ပြန်ကြားရေး
ဝန်ကြီးဌာန ရုံးအဖွဲ့မှူး ဦးမြင့်ထွေးက ဧရာဝတီကို အတည်ပြု ပြောကြားသည်။
လေယာဉ်ပေါ်တွင် ခရီးသည် ၅၅ ဦးပါရှိပြီး
အမျိုးသမီး ၂ ဦး လက်ကျိုးပြီး
ထိခိုက်ဒဏ်ရာရခဲ့ပြီး မိုင်းဆက် ကုတင် ၁၀၀ တပ်မတော်
ဆေးရုံသို့ပို့ဆောင်ကုသလျက်ရှိကြောင်း ခရီးစဉ်အား ဆက်လက် ပို့ဆောင်နိုင်ရေး
လေယာဉ်အစားထိုး ပြေးဆွဲရန် စီစဉ်ဆောင်ရွက်လျက်ရှိကြောင်း အစိုးရပိုင်
သတင်းဌာန များက သတင်းရေးသားကြသည်။
“မုန်တိုင်းကြောင့် မဟုတ်ပါဘူး။
နည်းနည်းလေး ဘီးစထိရမဲ့ နေရာနည်းနည်း
နောက်ကျသွားတာ။ ကွင်း ကတော့ဘာမှ ပြဿနာမရှိဘူး။ လေယာဉ်စပြီးဆင်းတဲ့
နေရာမှာစပြီးတော့ ဘီးထိရမဲ့ နေရာ ပြေးလမ်း အစပ်မှာ သတ်မှတ်ထားတဲ့
နေရာရှိတယ်။
အဲဒီနေရာမှာမထိမိဘဲနဲ့ နည်းနည်းကျော်သွားတဲ့အတွက် အရှိန် လွန်သွားတာပါ” ဟု
လေကြောင်းညွှန်ချုပ် ဦးရဲထွဋ်အောင်က ဧရာဝတီကို ပြောသည်။
လေယာဉ်ပြေးလမ်းချော်မှု ဖြစ်ပွားသည့် အကြောင်းရင်းအား
စုံစမ်းစစ်ဆေးနိုင်ရန် ပို့ဆောင်ရေးဝန်ကြီး ဌာန၊ လေကြောင်းပို့ဆောင်ရေး
ညွှန်ကြားမှု ဦးစီးဌာနနှင့် မြန်မာ့လေကြောင်းမှ တာဝန်ရှိသူများသည်
မိုင်းဆတ်မြို့သို့ သွားရောက်ခဲ့ကြောင်း သိရသည်။
၂၀၁၂ ခုနှစ် ဒီဇင်ဘာလ ၁၅ ရက်နေ့ကလည်း ဟဲဟိုးလေယာဉ်ကွင်းတွင်
အဲပုဂံလေယာဉ် ပျက်ကျ မှု ဖြစ်ပွားခဲ့ပြီး လေယာဉ်ပေါ်တွင် လိုက်ပါလာသည့်
ဧည့်လမ်းညွှန်တစ်ဦးနှင့် လေယာဉ် ပျက်ကျ ရာ နေရာရှိ လူတစ်ဦး သေဆုံးခဲ့ရသည်။
From...ဧရာဝတီ
No comments:
Post a Comment