ပြည်တွင်းကုမ္ပဏီကြီးများ ရေနံနှင့် သဘာဝဓာတ်ငွေ့တူးဖော်ရေးလုပ်ငန်းတွင် ၀င်ရောက်လုပ်ကိုင်ရန်စီစဉ်

ပြည်တွင်းရှိ အင်အားကြီးစီးပွားရေးလုပ်ငန်းရှင်အချို့သည် ရေနံ နှင့် သဘာဝဓာတ်ငွေ့ တူးဖော်ရေးလုပ်ငန်းများတွင် နိုင်ငံတကာ ကုမ္ပဏီကြီးများနှင့် ပူးပေါင်းလုပ်ကိုင်ရန် စွမ်းအင်စီမံရေးဦးစီးဌာနတွင် မှတ်ပုံတင်ထားကြောင်း သတင်းရရှိသည်။

ဦးချစ်ခိုင်၏ ဧဒင်ကုမ္ပဏီ၊ ဦးအောင်ဇော်နိုင်၏ ရွေတောင်ဖွံ့ဖြိုး တိုးတက်မှုကုမ္ပဏီ၊ ဦးအောင်ကိုဝင်း၏ ကမ္ဘောဇစက်မှုလုပ်ငန်း
ကုမ္ပဏီ၊ ဦးတေဇ၏ Central Marketing Co.Ltd ၊ ဦးကျော်နိုင်ဦး၏ နီလာလင်းလက်ကုမ္ပဏီ၊ ဦးသူရ၀င်း၏ တာမိုးညဲချမ်းသာကုမ္ပဏီ၊ ဦးမြဟန်၏ Fortune International Ltd. စသည့်စီးပွားရေးလုပ်ငန်းရှင်များသည် ပြည်တွင်းရေနံ
နှင့် သဘာဝဓာတ်ငွေ့ တူးဖော်ထုတ်လုပ်ရာတွင်နိုင်ငံခြားကုမ္ပဏီများနှင့် ပူးပေါင်းလုပ်ကိုင်ရန် စီစဉ်နေခြင်းဖြစ်သည်။
နိုင်ငံတကာမှ ရေနံနှင့် သဘာဝဓာတ်ငွေ့လုပ်ငန်းကုမ္ပဏီများနှင့် ပူးပေါင်းလုပ်ကိုင်ရန် ပြည်တွင်းမှ နိုင်ငံသားပိုင်
ကုမ္ပဏီတစ်ရာနီးပါးက မှတ်ပုံတင်စာရင်းပေးသွင်းပြီးဖြစ်ကာ ကုမ္ပဏီဦးရေ ထပ်မံတိုးမြှင့်ဖွယ်ရှိနေကြောင်း စွမ်းအင်ဝန်ကြီးဌာနက သတင်းထုတ်ပြန်ထားသည်။

“ကုန်းတွင်းရေနံလုပ်ကွက်တွေအတွက် နိုင်ငံခြားကုမ္ပဏီတွေနဲ့ ပူးပေါင်းလုပ်ကိုင်ဖို့ ပြည်တွင်းကုမ္ပဏီတွေကို ခေါ်နေတာ
ပါ။ ဇန်န၀ါရီလ ၁၇ ရက်ကနေ မတ်လ ၁၇ရက်ထိ လျှောက်ထားလို့ ရပါတယ်။ နိုင်ငံခြားကုမ္ပဏီတစ်ခုကို ပြည်တွင်းကုမ္ပဏီတစ်ခုနဲ့ ပူးတွဲချထားပေးမှာပါ”ဟု စွမ်းအင်ဝန်ကြီးဌာနမှ အရာရှိတစ်ဦးကပြောသည်။

စွမ်းအင်ဝန်ကြီးဌာနသည် ကုန်းတွင်းနှင့် ကမ်းလွန်လုပ်ကွက်များတွင် ပူးပေါင်းလုပ်ကိုင်ရန် နိုင်ငံခြား ရင်းနှီးမြှုပ်နှံသူများကို နိုင်ငံတကာတင်ဒါစနစ်ဖြင့် ဖိတ်ခေါ်ခဲ့ရာ ကုန်းတွင်းလုပ်ကွက် ၁၈ ခုတွင် နိုင်ငံပေါင်း ၁၈ နိုင်ငံမှကုမ္ပဏီ ၃၇ ခုက စိတ်ဝင်စားခဲ့ကြသည်။

လက်ရှိ ကုန်းတွင်းလုပ်ကွက် ၁၀ ခုအတွက် ပြည်ပကုမ္ပဏီ ၈ ခုအား စိစစ်ရွေးချယ်ခဲ့ပြီး စာချုပ်ချုပ်ဆိုရန် ဆောင်ရွက်နေကာကမ်းလွန် လုပ်ကွက်များတွင်လည်းစိတ်ပါဝင်စားသည့် ကုမ္ပဏီများနှင့်တိုက်ရိုက်ဆွေးနွေးညှိနှိုင်းမှုများ ပြုလုပ်နေကြောင်း သတင်းရရှိသည်။

7DaysNewsJournal