“ဟုတ်ပါတယ်။ နေပြည်တော် MICC မှာ စက်တင်ဘာလ ၁၁၊ ၁၂၊ ၁၃ မှာလုပ်မယ့် နိုင်ငံတကာ စီးပွားရေးလုပ်ငန်းရှင် ၅၀၀ ကျော် ပါဝင်တဲ့ပွဲကို ဒီဘက်က ဧည့်ခံမှု ကောင်းမွန်စေဖို့ ပြင်ဆင်နေပါပြီ” ဟု ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာနမှအဆင့်မြင့်အရာရှိတစ်ဦးကပြောကြားသည်။ကွန်ဖရင့် ကျင်းပရန်အတွက် ဟောင်ကောင်အခြေစိုက် (Euro-money) က မြန်မာနိုင်ငံမှ ဝန်ကြီးဌာနများ၊ သယ်ယူပို့ဆောင်ရေး လုပ်ငန်းများနှင့် မြန်မာနိုင်ငံမှ စီးပွားရေး လုပ်ငန်းရှင်များကိုလည်း ကြိုတင်ဖိတ်ကြား ဆွေးနွေးထားမှုများ ပြုလုပ်ထားသည်ဟု သိရသည်။
“Euro-money မန်နေဂျာက ကျွန်တော်တို့နဲ့ လာပြီးတော့ ဆွေးနွေးပါတယ်။ သူတို့က လူအင်အား ၅၀၀ စာအတွက် သယ်ယူပို့ဆောင်ရေး လုပ်ပေးစေချင်တယ်။ အနည်းဆုံး အဆင့်မြင့်ကားကြီး ၁၂ စီးလောက် အကူအညီတောင်းတယ်။ ကျွန်တော်တို့က ခြောက်စီးပဲ ပေးနိုင်ပါတယ်လို့ အားနာနာနဲ့ ပြောလိုက်ရတယ်။ ကျွန်တော်တို့က ပြည်တွင်းမှာသာ နာမည်ကြီးနေတာပါ။ နိုင်ငံတကာနဲ့လည်း ယှဉ်ရော ခုဖြစ်ပုံအတိုင်းပဲ ကြည့်လေ” ဟု JJ Express မှ ပြောရေးဆိုခွင့်ရှိသူ တစ်ဦးက ၎င်းတို့၏ ဆွေးနွေးခဲ့မှုကို ပြောကြားခဲ့ကြောင်း ၂၀၁၂ ခုနှစ် သြဂုတ်လ ၉ ရက်နေ့ထုတ် ပြည်မြန်မာ ဂျာနယ်တွင် ဖော်ပြထားပါသည်။
No comments:
Post a Comment