နမ့်ဆန်မြို့မီးလောင်ကျွမ်းထားသည်ကို ဖေဖော်ဝါရီ ၅ ရက်က တွေ့ရစဉ်(ဓာတ်ပုံ−MOI)
နမ့်ဆန်မြို့တွင် နာရီ ပေါင်း ၁၇နာရီကျော်ကြာလောင် ကျွမ်းခဲ့သည့်မီးကြောင့် မြို့ခံပြည် သူ၁,၅၀၀ကျော်အိုးမဲ့အိမ်မဲ့ဖြစ် သွားခဲ့သည်။
ဖေဖော်ဝါရီ ၄ရက် မွန်းလွဲ ၁နာရီ ၁၅မိနစ်တွင် နမ့်ဆန်မြို့ မင်္ဂလာရပ်ကွက်ရှိ နေအိမ်တစ်အိမ်မှ စတင်လောင်ကျွမ်းသောမီးသည် ဖေဖော်ဝါရီ ၅ ရက် နံနက်၆ နာရီအထိ ၁၇ နာရီခန့်ကြာလောင်ကျွမ်းကာ မင်္ဂလာရပ်ကွက်တစ်ခုလုံးနှင့် မြို့ဟောင်းရပ်ကွက်တစ်ခြမ်းရှိနေအိမ်ပေါင်း ၂၈၀၊ အိမ်ထောင်စု ၃၀၀ မှ လူဦးရေ ၁,၅၀၀ကျော်အထိ ဒုက္ခရောက်စေခဲ့သည်။
‘‘မြို့ရဲ့ သုံးပုံနှစ်ပုံပြုတ်တာ။ စီးပွားပျက်ပြီ။ တောင်းစားရမယ့် ကိန်းဆိုက်ပြီ။ ကလေးတွေက စာမေးပွဲနီးပြီ။ ပြန်လည်ထူထောင်ရေးက ကူမှရတာ့မယ့်အဆင့်ရောက်သွားပြီ။ မိုးကျရင်နေစရာစားစရာမရှိဖြစ်တော့မယ်’’ဟု နမ့်ဆန်မြို့ မြို့မရပ်ကွက်မှ မီးဘေးကင်းလွတ်ခဲ့သူ ဦးတင်ဆွေမြင့်ကပြောသည်။ ရှမ်းပြည်နယ်မြောက်ပိုင်း ပလောင်အုပ်ချုပ်ခွင့်ရဒေသရှိနမ့်ဆန်မြို့၌ ရပ်ကွက်ခြောက်ခု၊ အိမ်၇၉၁လုံး ရှိသည်။
ရှမ်းပြည်နယ်မြောက်ပိုင်း၌ ပုံမှန်ထက်အအေးပိုနေသည့် ရာ သီဥတုဖြစ်သောကြောင့် မီးဘေး သင့်သူများသည် နေရေးစားရေးအတွက် တစ်ပူပေါ်နှစ်ပူဆင့်ဖြစ်နေကြရသည်။ မီးဘေးဒုက္ခသည်များမှာ လတ်တလောစားဝတ်နေရေးအတွက် အရေးပေါ်အကူအညီများ၊ ယာယီမိုးကာတဲများနှင့် အအေးဒဏ်ကာကွယ်ရန် စောင်ထူထူနှင့် အ၀တ်အစားများ အရေးပေါ်လိုအပ်နေကြောင်း ကျောက်မဲမြို့လူမှုကူညီရေးအသင်းဥက္ကဋ္ဌဦးတင်မောင်းသိန်းက ပြောသည်။
နမ့်ဆန်မြို့အနီးတွင် မြန်မာ့တပ်မတော်နှင့် ဒေသတွင်း လက်နက်ကိုင်တပ်ဖွဲ့အချို့ စစ်ရေးတင်းမာမှုကြောင့် ဒေသခံများ စိုးရိမ်ထိတ်လန့်နေစဉ်မှာပင် မျှော်လင့်မထားဘဲ အဆိုးရွားဆုံး မီးဘေးအန္တရာယ်ရင်ဆိုင်ခဲ့ရခြင်းဖြစ်သည်။ ကယ်ဆယ်ရေးလုပ်ငန်းသွားရောက်လုပ်ကိုင်သူများပင် လက်နက်ကိုင်အဖွဲ့များကြား ကြားညပ်မည်စိုးသောကြောင့် သ တိထားနေရကြောင်း ဒေသခံအ ချို့ကပြောသည်။
‘‘အခုမြန်မာ့တပ်မတော်က လုံခြုံရေးယူထားတယ်။ ဒါပေမဲ့ ဒီဘက်ဒေသတွေမှာက နဂိုက တည်းကမငြိမ်းချမ်းတော့ ကျွန် တော်တို့လည်း နေရတာစိုးရိမ် တယ်။ ဒါကြောင့်ခပ်မြန်မြန်ပြန် လာခဲ့လိုက်ရတာ။ အကူအညီ တွေကတော့ အများကြီးလိုနေ တာ’’ဟု ဖေဖော်ဝါရီ ၅ ရက် နံနက်အစောပိုင်းက နမ့်ဆန်မြို့ မီးဘေးသို့ ကယ်ဆယ်ရေးပစ္စည်း အချို့ လှူဒါန်းခဲ့သူလားရှိုးမြို့ဒေသခံက ပြောသည်။
တောင်ပေါ်မြို့လေး၏ အဓိ က စီးပွားရေးလုပ်ငန်းမှာ လက်ဖက်စိုက်ပျိုးခြင်းဖြစ်သည်။ တောင် ကြားတွင် မြို့ပေါ်လမ်းတစ်လမ်း တည်းသာရှိသည့် အနေအထား၌ တစ်အိမ်နှင့်တစ်အိမ် နီးနီးကပ် ကပ်ဆောက်ထားသည့် အိမ်များ ဆက်တိုက်ဆိုသလို မီးကူးစက်ခဲ့ ခြင်းဖြစ်သည်။ ထို့ပြင် မြို့တွင်ရေရှားပါးသည့်အတွက် မီးငြှိမ်းသတ်ရန် ခက်ခဲခဲ့သည်။ ထို့ကြောင့်မန္တလေးမြို့မှ မီးသတ်ကားအချို့ပင် ကူညီငြှိမ်းသတ်ရန်သွားရောက်ခဲ့သည်။ လမ်းပန်းဆက်သွယ်ရေးခက်ခဲပြီး စိုက်ပျိုးရေးလုပ်ငန်းအတွက် သစ်ဝါးများကို ထင်းအဖြစ် အသုံးပြုခဲ့သော ကြောင့် ပတ်ဝန်းကျင်တောင်ကုန်း များမှာ တောင်ခေါင်းတုံးများသာ ဖြစ်နေပြီး အိမ်ပြန်ဆောက်ရန် သစ်ဝါးအခက်အခဲလည်းရှိနေ ကြောင်း မြို့မရပ်ကွက်နေ ဦးစိုင်း နန်က ပြောသည်။
ဦးစိုင်းနန်က‘‘၂၀၁၁ ခုနှစ် က မြို့မှာ မီးအကြီးအကျယ် လောင်ဖူးတယ်။ အဲဒီတုန်းက အိမ် ၅၀ ကျော် မီးထဲပါသွားတာ။ ဒါ တောင်ပုံမှန်အခြေအနေဖြစ်ဖို့အ တော်ပြန်လုပ်ယူရတယ်။ အခုက တော့ ကျွန်တော့်ဘ၀မှာ အဆိုးဆုံး ပဲ’’ဟု ပြောသည်။
မီးလောင်ရသည့် အကြောင်း ရင်းကို အစိုးရက သတင်းအတိအ ကျမထုတ်ပြန်နိုင်သေးပေ။ ဒေသ ခံများကမူ မင်္ဂလာရပ်ကွက်နေ အိမ်တစ်အိမ်မှ မူးယစ်ဆေးသုံးစွဲ သူတစ်ဦးဆေးရှူရန် ဖယောင်း တိုင်မီးသုံးရာမှ ဖယောင်းတိုင်မီးမှတစ်ဆင့် နေအိမ်အား စတင်လောင်ကျွမ်းခြင်းဖြစ်ကြောင်းပြောသည်။
နမ့်ဆန်မြို့ မီးဘေးကို အစိုး ရက အာရုံစိုက်ခဲ့ပြီး နိုင်ငံတော် သမ္မတရော တပ်မတော်ကပါ ကယ်ဆယ်ရေးလုပ်ငန်းများ အဆောတလျင် ပြုလုပ်ပေးခဲ့သည်။နိုင်ငံတော်သမ္မတက မီးလောင်ပြီး နာရီပိုင်းအတွင်း မြို့သို့လိုက်သွား ခဲ့ပြီး အစိုးရကဆန်အိတ်တစ် ထောင်မီးဘေးသင့်အိမ်ထောင်စု တစ်စုလျှင် ကျပ်သုံးသိန်းနှင့် တက္ကသိုလ်ဝင်တန်းကျောင်းသား တစ်ဦးလျှင် ကျပ်တစ်သိန်းနှုန်း ထောက်ပံ့ကာ ကိုယ်တိုင်အားပေး ခဲ့သည်။ တပ်မတော်ကလည်း ဖေဖော်ဝါရီ ၅ ရက် နံနက်အစော ပိုင်းမှာပင် တပ်မတော်ရဟတ် ယာဉ်များ၊ သယ်ယူပို့ဆောင်ရေး လေယာဉ်များဖြင့် ကယ်ဆယ်ရေး ပစ္စည်းများ သွားရောက်ပေးပို့ခဲ့ သည်။ ဒေသတွင်း လူမှုရေးအဖွဲ့ အစည်းများက နမ့်ဆန်မြို့ပြန် လည်ထူထောင်ရေးအတွက် ရေ ရှည်စီမံကိန်းများ ပြုလုပ်ပေးသင့် ကြောင်း အစိုးရအား သတင်း စကားပါးသည်။
နမ့်ဆန်မြို့သို့ ကယ်ဆယ် ရေးပစ္စည်းအချို့သွားရောက်လှူ ဒါန်းခဲ့သည့် မူဆယ်မြို့ ကရုဏာ လူမှုကူညီရေးအသင်းဥက္ကဋ္ဌဦး သောင်းထွန်းက ‘‘အိမ်မီးထဲပါ သွားပြီးဘာမှမရလိုက်တဲ့အမျိုး သားကြီးက မျက်ရည်တွေကျနေ တယ်။ မီးလောင်ပြင်မှာ ဘာမှမရ လိုက်သူတွေရဲ့ မျက်ရည်တွေအ များကြီးတွေ့ခဲ့ရတယ်။ ကယ် ဆယ်ရေးအတွက် ရေရှည်စီမံ ကိန်းနဲ့လုပ်မှရမယ်ထင်တယ်’’ဟု ပြောသည်။
နမ့်ဆန်နှင့် လပွတ္တာမီးဘေးများအတွက် ပြည်သူများက လှူဒါန်းနိုင်ရန်အတွက် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီရုံး သက်ဆိုင်ရာမြို့နယ်မှ ဌာနခွဲများသို့ ဆက်သွယ်ရန် လိပ်စာကို အစိုးရက ဖေဖော်ဝါရီ ၅ရက်တွင်ပင် ထုတ်ပြန်ပေးခဲ့သည်။ ပြည်နယ်နှင့်တိုင်းမှ သက် ဆိုင်ရာရုံးဖုန်းနံပါတ်များကို နိုင်ငံပိုင်ကြေးမုံနှင့် မြန်မာ့အလင်းသတင်းစာများတွင် ကြည့်ရှုနိုင်ပြီးနေပြည်တော်ရှိအမျိုးသားသဘာဝ ဘေးအန္တရာယ်ဆိုင်ရာ စီမံခန့်ခွဲမှုကော်မတီ ညွှန်ကြားရေးမှူးချုပ်ရုံး ဖုန်း ၀၆၇-၄၀၄၀၅၀၊ ၀၆၇-၈၆၀၀၀၂၅၊ ဒုတိယညွှန်ကြားရေးမှူးချုပ်ရုံး ၀၆၇-၄၀၄၀၄၈၊ ၀၆၇-၈၆၀၁၁၆၅ စသည့် ဖုန်းနံပါတ်များသို့ ဆက်သွယ်လှူဒါန်းနိုင်ကြောင်း ကြေညာထားသည်။
7Day Daily
No comments:
Post a Comment