အီရန်ဘက်က အဆိုပါ ညစာစားပွဲတွင် ဝိုင်အရက် မထည့်သွင်းရန်၊ အစားအသောက်အားလုံး အစ္စလာမ်မစ်ဘာသာရေး ပြဋ္ဌာန်းချက်အတိုင်း ဟာလာလ်စံညွှန်းဖြင့် စီမံချက်ပြုတ်ရန် တောင်းဆိုခဲ့သည်။ ပြင်သစ်က ဝိုင်အရက် မပါသည့် တည်ခင်းမှုမျိုးဆိုပါက ညစာစားပွဲထက် မနက်စာစားပွဲတစ်ခု စီစဉ်လျှင် ပိုမိုသင့်တော်မည်ဟု ပြန်ကြားခဲ့ရာ ယင်းအစီအစဉ်ကမူ ပေါ့ပျက်ပျက်နိုင်လွန်းကြောင်း အီရန်က ကန့်ကွက်ခဲ့သည်။ ထိုအခါ ပြင်သစ်အစိုးရက ညစာစားပွဲအစီအစဉ်ကိုပါ ဖျက်သိမ်းရန် ဆုံးဖြတ်လိုက်သည်။
ထို့ကြောင့် ပါရီသို့ ရူဟာနီ ရောက်ရှိချိန်တွင် ခေါင်းဆောင်နှစ်ဦးသည် မျက်နှာချင်းဆိုင် တွေ့ဆုံဆွေးနွေး စကားပြောမှုမျိုးသာ ပြုလုပ်တော့မည်ဖြစ်ပြီး အကျွေးအမွေးကဏ္ဍ ပါဝင်တော့မည် မဟုတ်ချေ။
ရူဟာနီသည် ဥရောပသို့ သွားရောက်မည့် ခရီးစဉ်တွင် အီတလီဝန်ကြီးချုပ် မက်တီယိုရန်ဇီ၊ ပုပ်ရဟန်းမင်းကြီးတို့နှင့် တွေ့ဆုံရန်လည်း စီစဉ်ထားသည်။ အီရန်၏ နျူကလီးယား စွမ်းအင်ကဏ္ဍ ကန့်သတ်မှုအတွက် သဘောတူညီချက် ရရှိပြီးနောက် အနောက်ဥရောပနိုင်ငံများသည် အီရန်နှင့် ဆက်ဆံရေး တိုးမြှင့်ရန် ပြန်လည်လမ်းဖွင့်လာခဲ့ခြင်း ဖြစ်သည်။
Ref: Boston Globe
No comments:
Post a Comment