‘‘အာ့လာပြောတာ’’၊ ‘‘ဆေးထိုးကြမ်းတယ်’’တို့နှင့် ဖေ့စ်ဘွတ်ခ်ဗန်းစကားရေစီးကြောင်း

‘‘ဆေးထိုးကြမ်းတယ်’’၊‘‘၀ုန်းသွားတယ်’’

ရုတ်တရက် နားထောင်ကြည့်ပါက မသိသူများအဖို့ အူလည်လည် ဖြစ်သွားနိုင်သော်လည်း မြန်မာနိုင်ငံသားအများစု အသုံးပြုလာကြသော လူမှုကွန်ရက် ဖေ့စ်ဘွတ်ခ်ပေါ်မှာတော့ အဆိုပါ စကားလုံးများက အဆန်းမဟုတ်ဘဲ ဆိုလိုရင်းကို ဒက်ခနဲ နားလည်ကြစမြဲ။ ‘‘ဆေးထိုးတယ်’’ ဟူသည့် စကားလုံးက လူမှုကွန်ရက်ပေါ်မှာ ဆေးပညာဆိုင်ရာ အသုံးအနှုန်းမဟုတ်ပါ။ တစ်ဦးနှင့်တစ်ဦး အပျော်သဘောနှင့် ချောက်ချခြင်းဟု အဓိပ္ပာယ်ရပါသည်။

တစ်ဦးဦးရေးသားထားသည့် စာသားများအောက်တွင် တစ်စုံတစ်ဦး တင်ထားသည့် ဓာတ်ပုံအောက်တွင် မှတ်ချက်တစ်ခုခုကို ရေးသား၍ ခပ်တည်တည်ချောက်တွန်းသွားခြင်း၊ အတို့အထောင်လုပ်သွားခြင်းကို ‘‘၀င်ပြီး ဆေးထိုး သွားတယ်’’ဟု သုံးစွဲလာကြသည်။ ထို့အတူ ဖေ့စ်ဘွတ်ခ်ပေါ်တွင် မိမိခံစားချက်များကို ပေါက်ကွဲ၍ ရေးသားမိသည်ဖြစ်စေ၊ တစ်စုံတစ်ဦးနှင့် အပြန်အလှန် ရန်တွေ့ကြသည်ဖြစ်စေ ထိုသို့ပြုလုပ်ခြင်းကို ‘‘၀ုန်းပြီ... ဖေ့စ်ဘွတ်ခ်ပေါ် တက်ဝုန်းသွားတယ်’’ဟု သုံးကြသည်။

အပြင်လောက ဗန်းစကားဖြစ်သော လူတစ်ဦးဦးကို လူအုပ်စုလိုက်က ၀ိုင်းဝန်းရိုက်နှက်ခြင်းကဲ့သို့ အပြုအမူဖြစ်သည့် ‘‘ဆွမ်းကြီးလောင်းတယ်’’ဟူသည့် စကားလုံးနှင့်လည်း အဓိပ္ပာယ်ဆင်တူပါသည်။

‘‘ပြောကြည့်လေ ရင်ထဲပေ့ါသွားတာပေ့ါ...’’၊ ‘‘ဆုတောင်းလေ.. ဆုတောင်း’’ စသည်ဖြင့် လူငယ်ပိုင်းများ၏ မိမိတို့ သူငယ်ချင်းမိတ်ဆွေများနှင့် ပြောဆိုကြသည့် ဗန်းစကားတချို့က လူမှုကွန်ရက်ပေါ် ရောက်ရှိလာသလို .. လူမှုကွန်ရက်ပေါ်မှမြစ်ဖျားခံလာသည့် ဗန်းစကားအချို့ကလည်း အပြင်လူမှု ဘ၀ထဲသို့ ကူးစက်လာသည်။

ခေတ်စနစ်အရ ဖြစ်ပေါ်လာသည့် ဗန်းစကားလုံးတို့က အရပ်စကား၊ အရပ်နားဖြင့် ပျံ့နှံ့တတ်လေ့ရှိခဲ့သော်လည်း ယခုမူ တိုးတက်မြန်ဆန်လာသည့် အိုင်တီခေတ်စနစ်ကြောင့် ဗန်းစကားအသစ် အသစ်များပေါ်ထွက်လာသလို လူတကာနှုတ်ဖျား ရေပန်းစားရန်လည်း လွယ်ကူလာသည်။ လူငယ်အများစု အသုံးပြုနေသည့် လူမှုကွန်ရက်ဖေ့စ်ဘွတ်ခ်သည် ဗန်းစကားသစ်များ  ပျံ့နှံ့သုံးစွဲမှု အားကောင်းရာနေရာတစ်ခုဖြစ်လာပါသည်။

ဖေ့စ်ဘွတ်ခ်ပေါ်မှ ဗန်းစကားဝေါဟာရများသည် သက်ဆိုင်ရာနယ်ပယ်မှ နာမည်ကျော်ပုဂ္ဂိုလ်များ၊ အနုပညာရှင်များ၏ စကားပြောမှားမှု၊ လူရယ်စရာကောင်းလောက်အောင် ပြောဆိုမိမှုတို့မှလည်း စတင်ပေါက်ဖွားလာတတ်ပြီး လူတစ်ဦးချင်းစီက တီထွင်သုံးစွဲလိုက်သည့် စကားလုံးကို သဘောတကျယူသုံးရာမှတစ်ဆင့်လည်း တွင်ကျယ်သွားလေ့ရှိသည်။ ၀န်ကြီးတချို့ ပြောဆိုဖူးသည့် ‘‘ပါးရိုက်မယ်’’၊ ‘‘ထမင်းတစ်နပ်လျှော့စား’’စသည့် စကားလုံးတို့ကလည်း ဗန်းစကားအဖြစ် ရေပန်းစားခဲ့ဖူးသည်။

တီဗီကြော်ငြာထဲမှ ‘‘သမီးကိုလိုက်စတဲ့ ကောင်လေးတွေကို သိပ်မုန်းတာပဲမေမေ’’ဟူသည့် စကားလုံးလေးက ဖေ့စ်ဘွတ်ခ်ပေါ်ရောက်လာသည့်အခါ ‘‘သိပ်မုန်းတာပဲမေမေ’’၏ ရှေ့မှ တခြားစကားစုများခံ၍ ရေးသားခြင်းက ရက်အတန်ကြာရေပန်းစားခဲ့သေးသည်။

မကြာသေးမီက ဖြစ်ပွားခဲ့သော ကျောင်းသားသပိတ်ကိစ္စဆန္ဒပြသူများကို ရိုက်နှက်ဖမ်းဆီးသည့် လက်ပတ်နီဝတ်လူများနှင့် လက်ပံတန်းအကြမ်းဖက်ဖြိုခွင်းမှုဖြစ်ရပ်တို့ကလည်း ဗန်းစကားတစ်ရပ်ဖြစ်လာခဲ့သည်။ လက်ပတ်နီဝတ်ထားသူများ လမ်းလယ်တွင် ရပ်၍ ဘုကြည့်ကြည့်နေသည့်ဓာတ်ပုံ၊ ရဲတပ်ဖွဲ့ဝင်အချို့၏ ဓာတ်ပုံနှင့်အတူ ‘‘ကြည့်နေတယ် .. မရိုက်သေးဘူး’’၊ ‘‘ကြည့်နေတယ် မဖမ်းသေးဘူး’’စသည့် စကားလုံးများဖြင့် အချင်းချင်းနောက်ပြောင်စရာဖြစ်ခဲ့သည်။

ဖေ့စ်ဘွတ်ခ်သုံးစွဲသည့် လွှတ်တော်ကိုယ်စားလှယ် ဦးလှဆွေက ၎င်း၏အကောင့်တွင် စာရေးသားရာ၌ သုံးစွဲလေ့ရှိသော ... ဗျာတို့ရေ ဟူသည့်စကားလုံးကလည်း ဦးလှဆွေအသုံးအနှုန်းအဖြစ် နာမည်ကျော်လျက် ယူငင်သုံးစွဲ သူများရှိခဲ့သည်။ ဖေ့စ်ဘွတ်ခ်တွင် မြန်မာလိုသုံးစွဲကြသူအများစုမှာ ဗန်းစကားသစ်ဝေါဟာရများကို တီထွင်ကြသည်သာမက အာမေဍိတ်သံများကိုလည်း မပီမသလေသံအတိုင်း စာသားအဖြစ်ပြောင်းလဲကာ သုံးစွဲကြလေ့ရှိသည်။

ခစ်ခစ်... ဟူသည့် ရယ်သံကို ခ်ခ်... ခိခိ... ခလိ ခလိဟုလည်းကောင်း၊ ဟိဟိ... အစား ငိငိ.. ဟုလည်းကောင်း၊ ဟေ့ရောင် (ဟေ့ကောင်)ဟူသည့် စကားလုံးအစား... ဟျောင့်.. ဟူ၍လည်းကောင်း၊ ဘယ်လိုပြောရမလဲ အစား... ဘိုပြောရမဲ... ဟုလည်းကောင်း၊ Block ပစ်လိုက်မယ်အစား... ဘော့ပလိုက်မယ်... ဟုလည်းကောင်း၊ ကိုယ့်ဘာသာကိုယ်အစား... ကွကိုယ်...ဟုလည်းကောင်း လေသံအမြန်ပြောပါက မပီကလာဖြစ်သွားသည့် အသံအတိုင်းစာသားကို သုံးစွဲတတ်ကြသည်။

ကျေးဇူးတင်တယ်ဟု ပြောရမည့်အစား အတိုကောက်အနေနှင့် ကျေးကျေး၊ Unfriend လုပ်လိုက်တယ်ဟု ပြောမည့်အစား အန်လိုက်တယ်၊ နန့်ကြောထနေသည်အစား မွစိထ၊ အေးပါကွာဟု ပြောမည့်အစား အင်္ဂလိပ်စာလုံး အတိုကောက်အနေဖြင့် APK ၊ မိမိအကောင့်တွင် တင်ထားသည့် စာများ၊ ဓာတ်ပုံများကို တစ်ခုပြီးတစ်ခုတန်းစီ၍ Like ၀င်လုပ်သွားသူကို Like ဗုံးကြဲသွားတယ်.. စသည်ဖြင့် ထွင်တတ်ကြသေးသည်။ ဗန်းစကားတစ်ခုခု ရေပန်းစားလာပါက မသုံးစွဲလိုက်ရ မရှိရလေအောင် ဖေ့စ်ဘွတ်ခ်သုံးစွဲသူများက လိုက်လံသုံးစွဲတတ်လေ့ရှိပြီး အသစ်အသစ်ပေါ်လာနေသည့် ဖေ့စ်ဘွတ်ခ်ဗန်းစကားသစ်များကြား မျက်စိလည်ရသည်များလည်းရှိသည်။

တွင်ကျယ်စွာ ရေပန်းစားလာသည့် စကားလုံးများကို လူငယ်များသာမက လူလတ်ပိုင်းများနှင့် အသက်အရွယ်ကြီးရင့်သူအချို့ပါ သုံးတတ်၊ ရေးတတ်ကြသည်ကိုလည်း တွေ့ရသည်။

ယခုနောက်ပိုင်းတွင် လူမှုကွန်ရက်ဖေ့စ်ဘွတ်ခ်ပေါ်၌ Myanmar Memes ၊ BUMi (Burmese Uncensored Memesi) ၊ BUM အစရှိသည့် Group များကို တည်ထောင်ထားကြပြီး လူငယ်များစွာ စွဲလမ်းနှစ်ခြိုက်စွာ ၀င်ရောက်သုံးစွဲလျက်ရှိကြသည်။ အဆိုပါ စာမျက်နှာများမှ ဗန်းစကားအသစ်များ ပေါ်ထွက်လာလေ့ရှိပြီး ဖေ့စ်ဘွတ်ခ်တစ်ခွင် တွင်ကျယ်စွာပျံ့နှံ့သွားတတ်သည်။

ထို Group များတွင် သုံးစွဲသူမန်ဘာများက ဓာတ်ပုံပေါ်တွင် စာသားများရေးကာ ဖန်တီးဖော်ပြကြခြင်းဖြစ်ပြီး များသောအားဖြင့် ဗန်းစကားများကို ထည့်သွင်းလေ့ရှိကြသည်။ နာမည်ကျော်တို့ ဓာတ်ပုံများအပြင် ဇာတ်ဝင်ခန်းပုံရိပ် ဓာတ်ပုံတချို့ကို အသုံးပြု၍ လက်ရှိရေပန်းစားနေသည့် ဗန်းစကားနှင့် တွဲစပ်ကာ ဟာသမြောက်စွာဖန်တီးမှုများရှိလာသည့်အတွက် လူငယ်တို့အသုံးများလာကြသည်။

‘‘လွယ်တော့ မလွယ်ဘူး... ရိုးသားရတာပေ့ါ..... ဆိုရင် မင်းဘာပြောမလဲ’’ ‘‘မေးလည်းမေးချင်တယ် မေးလည်းမမေးရဲဘူး’’စသည့် စကားစုများသည် အဆိုပါ Group များတွင်သာမက ပြင်ပဖေ့စ်ဘွတ်ခ်သုံးစွဲသူများထံ ကူးစက်လာပြီး မိမိပြောလိုသည့် အကြောင်းအရာကို ရေးသားပြီးနောက် အောက်ဆုံးစာကြောင်းကို အထက်ပါစကားစုများဖြင့် အဆုံးသတ်လေ့ရှိသည်အထိ တွင်ကျယ်ခဲ့သည်။

‘‘တို့.. ဘာတို့ ဆိုတဲ့စကားလုံး ခေတ်စားတုန်းကဆို တော်တော်များများ လိုက်သုံးကြတယ်။ ကိုယ်ပြောချင်တာရဲ့နောက်မှာ အဲဒီဗန်းစကားတွေကို ကပ်ထည့်သုံးကြတာပေါ့။ ဥပမာ... ဘုရားကိုရောက်နေတယ်.. တို့ .. ဘာတို့... အဲဒီလိုပေါ့’’ဟု ဖေ့စ်ဘွတ်ခ်သုံးစွဲသူတစ်ဦးက ရှင်းပြသည်။

အချို့ကလည်း မိမိစတင်သုံးစွဲလိုက်မိသည့် စကားလုံးလေးတစ်ခုကို သဘောကျ၍ အခြားသူများက ယူသုံးရာမှတစ်ဆင့် Friendsများသည့် အကောင့်များဆီသို့ ရောက်ရှိကာ ထိုအကောင့်များမှတစ်ဆင့် ထပ်မံပျံ့နှံ့သွားလေ့ရှိသည်။ ‘‘အာ့..လာပြောတာ’’ ဟူသည့် ဗန်းစကားတစ်ရပ်ဆိုလျှင် ဖေ့စ်ဘွတ်ခ်တွင် ပျံ့နှံ့သုံးစွဲမှုများခဲ့ရာမှ တေးရေးဆရာသျှန်ထွန်း (မြန်မာစာ)က အဆိုပါခေါင်းစဉ်ဖြင့် ဖေ့စ်ဘွတ်ခ်နှင့်ပတ်သက်သော သီချင်းတစ်ပုဒ်ရေးသားပြီး အဆိုတော်တစ်ဦးက သီဆိုလိုက်သည်အထိ ပြင်ပသို့တိုင်ပေါက်ရောက်ခဲ့သည်။

လူမှုကွန်ရက်တွင် အသုံးအနှုန်းတစ်ခုခု အသစ်ပေါ်လာတိုင်း နီးစပ်ရာမိတ်ဆွေများထံ လက်တို့မေးမြန်းကာ မူလရင်းမြစ်ကို စုံစမ်းကြရပြီး ကိုယ်သဘောကျ နှစ်သက်သည့် အသုံးအနှုန်းဖြစ်ပါက မိမိတင်ဆက်သမျှတိုင်းတွင် ထည့်သွင်းရေးသားမိသည်အထိ လွှမ်းမိုးနေလေ့ရှိသည်။

လွန်ခဲ့သည့် ရက်သတ္တပတ်များက ဖေ့စ်ဘွတ်ခ်တွင် HD ရိုက်သည်ဟူသည့် အသုံးအနှုန်းတစ်ခု ပျံ့နှံ့လာရာ မသိသူများက HD စကားလုံးပျံ့နှံ့မှု၏ ရင်းမြစ်ကို စုံစမ်းမေးမြန်းမှုများခဲ့သည်။ HD ရိုက်သည့် အသုံးအနှုန်းနှင့်ပတ်သက်၍ ဖေ့စ်ဘွတ်ခ်သုံးစွဲသူ ကိုသီဟဆက်ပိုင်က ‘‘HD အကြောင်း အမှန်က ဒီလိုပါ။ ထူးထူးခြားခြားတော့ မဟုတ်ပါဘူး။ ကောင်လေးတစ်ယောက်နဲ့ ကောင်မလေးတစ်ယောက်က ဒီ status မှာ ၂၄ နာရီအတွင်း ကွန်းမန့်တစ်သောင်းပြည့်ရင် HD တင်ပေးမယ်ဆိုပြီး စပ်ဆော့လိုက်တာဗျာ။ အဲဒီမှာ အများသူငါ ကြိုးပမ်းမှုနဲ့ တစ်သောင်းတကယ်ပြည့်သွားရော။ အဲဒီ တစ်နေ့လုံးလည်း လူငယ် FB user တွေကြားမှာ ဟော့သွားရော ဆိုပါတော့။ အဲဒီကျတော့မှ သူတို့လည်း အရူးကွက်နင်းပြီး ဗီဒီယိုဖိုင်မဟုတ်ဘဲ ဓာတ်ပုံကြီးတင်ရော... လူတွေက တလွဲတွေ ထင်ကြပါလေရော။ ရယ်စရာကြီးပါ။ HD ဆိုတာ ဓာတ်ပုံကို မခေါ်ကြောင်း၊ HD ဆိုရင် ဗီဒီယိုဖြစ်ရပါမယ် ဘာညာနဲ့ နည်းပညာဆရာတွေလည်း ပေါ်လာရဲ့။ ငြင်းကြခုံကြပေါ့ဗျာ။ ဒါနဲ့ပဲ ပေါ်ပြူလာဖြစ်သွားခဲ့တာပါ’’ဟု ရှင်းပြခဲ့သည်။

ဖေ့စ်ဘွတ်ခ်တွင် သုံးစွဲနေကြသည့် ဗန်းစကားများကို အချို့က အဓိပ္ပာယ်ရေရေရာရာမရှိဘဲ ပေါက်ကရစကားလုံးများအဖြစ် ဝေဖန်ကြပြီး သုံးစွဲသူများအကြား ပြောလေ့၊ ရေးလေ့ရှိကြသည့် ခိခိ... ငိငိ ..ဟျောင့် စသည့် စကားလုံးများအပေါ်တွင်လည်း မြန်မာစာကို ဖျက်လိုဖျက်ဆီးလုပ်နေသူများအဖြစ် ဝေဖန်မှုများရှိသည်။

သို့ရာတွင် ဗန်းစကားဟူသည်မှာ ကမ္ဘာ့နိုင်ငံအသီးသီးမှာပါ သုံးစွဲသည့် ယဉ်ကျေးမှုရှိပြီး အမေရိကန်သမ္မတ အိုဘားမားသည်ပင်လျှင် သူ၏မိန့်ခွန်းအချို့တွင် ဗန်းစကားအချို့ညှပ်၍ ထည့်သွင်းပြောကြားလေ့ရှိပါသည်။

မြန်မာလူမျိုးများသည် မြန်မာစကားကို ဝေါဟာရကြွယ်ဝစွာဖြင့် အသုံးအနှုန်းတစ်ခုတည်းကိုပင် မူကွဲအမျိုးမျိုး ခြားနားစွာခေါ်ဝေါ်သုံးစွဲလေ့ရှိကြသူများဖြစ်သည်။ အများလက်ခံပြီးသား ဗန်းစကားများကို ပုံမှန်အားဖြင့် ရှိပြီးစာလုံးပေါင်းမှန်အောင် ရေးသားရသော်လည်း ဖေ့စ်ဘွတ်ခ်တွင်မူ စကားလုံးများကို မိမိစိတ်ရှိသလိုဖျက်၍ တီထွင်ရေးသားမှုများက ကျယ်ပြန့်လာနေသည်။

‘‘ဗန်းစကားဆိုတာ ခပ်လွယ်လွယ်၊ ခပ်ပေါ့ပေါ့၊ ပျော်စေပြက်စေ၊ ထိထိမိမိ၊ မတိမကျ၊ ခပ်စောင်းစောင်း၊ ထူးထူးခြားခြား၊ ရွှန်းရွှန်းလဲ့လဲ့၊ ခပ်ရိုင်းရိုင်း၊ မဖွယ်မရာ၊ လူလေလူလွင့်ပြောစကား၊  အချင်းချင်းသာနားလည်တဲ့၊ လူတိုင်းမသိတဲ့၊ အတူလုပ်သူတွေသာသိတဲ့ စကားမျိုးဖြစ်တယ်။ ဗန်းစကားတွေကို ကာလတိုတစ်ခုမှာသာသုံးတယ်။ တမင်တကာတီထွင်ယူတာမျိုးဖြစ်တယ်။သူခိုးသုံး၊ စစ်သုံး၊ ပုလိပ်သုံး၊ ထောက်လှမ်းရေးသုံး၊ စီးပွားရေးလောကသုံး၊ ပွဲစားသုံး၊ နိုင်ငံရေးသုံး၊ မူးယစ်လောကသုံးစကားလုံးတွေ ဖြစ်တယ်။ နောက်ပိုင်းမှာ အင်တာနက်သုံး၊ ဆိုရှယ်ကွန်ရက်သုံးတွေ ပေါ်လာတယ်’’ဟု ဒေါက်တာတင့်ဆွေက ဗန်းစကားနှင့်ပတ်သက်၍ ရေးသားထားသည့် ဆောင်းပါးတစ်ခုတွင် ဖော်ပြခဲ့သည်။

ဒေါက်တာတင့်ဆွေက အဆိုပါဆောင်းပါးတွင် ‘‘မြန်မာဗန်းစကားတွေအများကြီး ခေတ်အလျောက်ပေါ်ပေါက်နေတာပါ။ ဗန်းစကားမသုံးသူက ခေတ်မမီဘူးတဲ့။ ဟောင်းသွားတဲ့ ဗန်းစကားတွေသုံးရင် အောက်သွားပြီလို့ သတ်မှတ်တယ်။ ခက်တာက အသက်ကြီးသူတွေကနေ ခေတ်သုံးဗန်းစကားတွေ လိုက်ပြောပြန်ရင်လည်း မမိုက်ဘူးထင်တယ်။ သိပ်ငယ်ချင်ပုံရတယ်လို့ အထင်ခံရမယ်။ လူပေါင်းစုံက အသားကုန်ပြောနေတဲ့ အရမ်းအရမ်းကောင်းတဲ့ စကားလုံးသစ်တွေကို လိုက်မမီပါ။ ဖဲဝိုင်းမှာသုံးတာကို ဖဲသမားတွေသာသိပါတယ်’’ဟု ရေးသားထားသည်။

ဖေ့စ်ဘွတ်ခ်သုံးစွဲသူတစ်ဦးဖြစ်သည့် BLINK Digital Agency မှ Head of social media ကိုပြည့်ဖြိုးနိုင်က ‘‘ဒါတွေကဗန်းစကားတွေပဲလေ။ မြန်မာပြည်တစ်ခုတည်း ဖြစ်နေတာမဟုတ်ဘူး။ နိုင်ငံတိုင်းမှာလူသုံးများတဲ့ ဗန်းစကားတွေ ရှိတယ်။ ဥပမာ Selfie ဆိုတဲ့ စကားလုံး သူလည်း ဗန်းစကားကနေ တစ်ကမ္ဘာလုံးသုံးတဲ့စကား ဖြစ်လာတာပဲ။ ဗန်းစကားတွေသုံးလို့ မြန်မာစာသတ်ပုံတွေ မပျက်စီးပါဘူး။ သတ်ပုံက သတ်ပုံ၊ စကားက စကားပဲလေ။ ဖျက်ဆီးတယ် ဘာညာပြောတာကလည်း ဒီလိုယဉ်ကျေးမှုအသစ်အဆန်းမျိုးက မြန်မာတွေအတွက်အရမ်း အဆန်းကြီးဖြစ်နေလို့ပါ’’ဟု သူ၏ယူဆချက်ကို ပြောသည်။

လွန်ခဲ့သည့် ၂၀၁၃ ခုနှစ်ကဆိုလျှင် လူမှုကွန်ရက်တွင် အကြော်ရောင်းပြီး iPad သုံးသည့် နန်းမီမီမိုးစက်၊ သီချင်းဆိုသည့် နစ်ကီဘိုမင်းအောင်၏ လဲလဲလဲလဲ... စသည်တို့ ရေပန်းစားဖူးပြီး ထိုကဲ့သို့ လူပုဂ္ဂိုလ်တစ်ဦးတစ်ယောက်၏ အပြုအမူလုပ်ရပ်အပေါ်မူတည်၍ ပေါ်ထွက်လာသည့် ဗန်းစကားဆန်ဆန် စကားလုံးသစ်များစွာ ရှိနေဆဲဖြစ်သည်။

ယခင်ကဆိုလျှင် ဗန်းစကားလုံးများမှာ အရပ်တွင်းနှင့် သင်္ကြန်သံချပ်များ၊ အငြိမ့်သဘင်များမှတစ်ဆင့် ပျံ့နှံ့လေ့ရှိပြီး ဥပမာအားဖြင့် ‘‘မနိုင်ဘူး... နှစ်ခါခွဲသယ်ရမယ်’’၊ ‘‘ဒါမျိုးမကြောက်လို့ ရွာရိုးလျှောက်နေတာ’’၊ ‘‘ဆုတောင်းကြမ်းတယ်’’စသည်ဖြင့် လူအများပါးစပ်ဖျားရေပန်းစားလွယ်သည့် စကားလုံးများဖြစ်ခဲ့သည်။

‘‘စခန်းရောက်မှ ရှင်းကြတာပေါ့’’၊ ‘‘ညီလေး... အစ်ကိုတို့နဲ့ ခဏလိုက်ခဲ့ပါဦး’’စသည့် ခေတ်စနစ်ကြောင့် ပေါ်ထွက်လာသည့် ဗန်းစကားများလည်းရှိသည်။ ဟိုးယခင်ကတည်းက ရှိနေသည့် ဗန်းစကားဟူသည်မှာ အသုံးတွင်ကျယ်ခြင်း၊ မတွင်ကျယ်ခြင်းသာကွာခြားပြီး ယခုအခါမှာတော့ အွန်လိုင်းပေါ်တွင် ပျံ့နှံ့မှုအားကောင်းမြန်ဆန်သောကြောင့် စကားလုံးတစ်ခုမှာ ခဏအတွင်း ရေပန်းစားသွားလေ့ရှိလာသည်။

ဖေ့စ်ဘွတ်ခ်သုံးစွဲသူတစ်ဦးဖြစ်သည့် ကိုနေကတော့ ဗန်းစကားများဖြင့် ဖေ့စ်ဘွတ်ခ်ယဉ်ကျေးမှုအပေါ်‘‘ကျွန်တော်တော့ ကြိုက်တယ်။ တစ်ယောက်နဲ့ တစ်ယောက် ပိုရင်းနှီးတာပေါ့’’ဟု ဆိုပါသည်။

သူငယ်နာမစင်သည့် အသံထွက်များဟု အချို့က ဝေဖန်ကြသည့် ဖေ့စ်ဘွတ်ခ်ပေါ်မှ ဗန်းစကားနှင့် စကားလုံးအချို့က ခေတ်နှင့်လျော်ညီစွာ အရှိန်ကောင်းကောင်းဖြင့် ပျံ့နှံ့စီးဆင်းနေပါသည်။ ဖေ့စ်ဘွတ်ခ်သုံးစွဲသည့် လူကြီးပိုင်းအချို့ကတော့ လူငယ်တို့၏ စကားလုံးကစားဖလှယ်မှုအပေါ် နားလည်မှုပေးလိုပုံရပြီး အချို့စကားလုံးများကို သိထားခြင်းက ကောင်းပါသည်ဟု ဆိုကြသည်။

‘‘နို့မို့ဆို လူငယ်တွေပြောရင် ကိုယ်ကနားမလည်တော့ဘဲ ဘီးကျဲကြီးဖြစ်သွားမှာပေါ့။ ကျွန်တော်တို့လည်း ရုံးမှာ အတည်အခံ့တွေ ပြောနေရပေမယ့်လည်း Facebook မှာ တစ်ခါတလေ  အရွှန်းဖောက်ချင်ရင် ဘန်းစကားတွေသုံးပါတယ်။ ခေတ်ရေစီးကြောင်းထဲမှာလိုက်ပါရမှာပေါ့ဗျာ’’ဟု ရန်ကုန်အပြည်ပြည်ဆိုင်ရာလေဆိပ်မှ အင်ဂျင်နီယာကိုအောင်စိုးမိုးက မှတ်ချက်ပေးသည်။

လူငယ်တစ်ဦးဖြစ်သည့် ကိုပြည့်ဖြိုးနိုင်ကလည်း ‘‘ယဉ်ကျေးမှုအသစ်အဆန်းဆိုတော့ လူတွေအသားမကျသေးသလိုဖြစ်တတ်တယ်။ လူငယ်တွေ ဖေ့စ်ဘွတ်ခ်လို Social Media ပေါ်မှာ အသားကျနေတဲ့ လူလတ်ပိုင်း လူကြီးပိုင်းအများစုကတော့ ဒီယဉ်ကျေးမှုကို အလွယ်တကူ အသားကျနိုင်ပေမယ့် နည်းနည်းအလှမ်းဝေးတဲ့ သူမျိုးတွေအတွက် အသစ်အဆန်းလိုမျိုးဖြစ်နေတော့ နည်းနည်းစိုးရိမ်တာမျိုးတွေ ရှိတတ်ပါတယ်’’ဟု ထပ်ပြောသည်။

လူငယ်ထုကြီးကတော့ လူမှုကွန်ရက်ပေါ်ရောက်သည်နှင့် ကွန်ပျူတာကီးဘုတ်ပေါ်မှာ လက်ကွက်လေးများကို တဖြောက်ဖြောက်ရိုက်ရင်း၊ မိတ်ဆွေအပေါင်းအသင်းများနှင့် ပြောဆိုရင်း၊ ကိုယ့်စိတ်ထဲပေါ်လာသည့် ဖေ့စ်ဘွတ်ခ်ဗန်းစကားများကို ထည့်သွင်းတတ်စမြဲပင်။

သူတို့အတွက်ကတော့ ပေါ့ပါးစွာပင် ဆေးထိုးကြမ်းနေဆဲ... တစ်ယောက်နှင့်တစ်ယောက် နောက်ပြောင်ရင်း ၀ုန်းနေကြဆဲဖြစ်ပါသည်။
7 day