တရုတ်ပြည်သို့ ရောင်းစားခံထားရသည့် မြန်မာအမျိုးသမီးပေါင်း သောင်းဂဏန်းပမာဏအထိရှိနေ

တရုတ်နိုင်ငံသို့ မြန်မာနိုင်ငံမှ အဓမ္မထိမ်းမြား လက်ထပ်မှု ပြုလုပ် ရန် ရောင်းစားခံထားရသည့် အမျိုးသမီး ပမာဏ မှာ သောင်းဂဏန်း အထိရှိနေပြီဖြစ်ကြောင်း မြန်မာနိုင်ငံ လူကုန်ကူးမှု ဗဟိုတွင် ဆယ်နှစ် ကြာတာဝန်ထမ်းဆောင်ခဲ့သူ၊ ရဲမှူးကြီးရာလျံမုန်း (အငြိမ်းစား) က ပြောကြားခဲ့သည်။''မြန်မာနိုင်ငံ၊ ထိုင်းနိုင်ငံမြောက်ပိုင်းနဲ့ ကမ္ဘောဒီးယားတို့ကနေ တရုတ်နိုင်ငံကို ရောင်းစားခံရတဲ့ အမျိုး သမီးတွေ အများကြီးရှိနေတယ်။ မြန်မာအမျိုးသမီးတွေ ဆို လည်း သောင်းဂဏန်းမက ရှိနေတယ်။ ရုပ်ရည်နဲ့ အသက်အရွယ်ကိုကြည့်ပြီး အရောင်း အ၀ယ်ဖြစ်နေကြတယ်'' ဟု ၎င်းက ဆက်လက် ပြောကြားခဲ့သည်။

မြန်မာအမျိုးသမီးများကို တရုတ်နိုင်ငံသို့ ရောင်းစားရာတွင် နိုင်ငံအတွင်း အမျိုး သမီး ပြတ်လပ် မှုဖြစ်ပေါ်နေသော တရုတ်အမျိုးသားများက ဇနီးမယားအဖြစ် ပေါင်းသင်းရန်ဝယ် ယူခြင်းဖြစ်ပြီး မြန်မာအမျိုးသမီးတစ်ဦးကို ဘုံမယားအဖြစ် အဓမ္မပေါင်းသင်းသည့် အဖြစ် မျိုးပါ ဖြစ်ပေါ်နေ သည်ဟုသိရသည်။

လူကုန်ကူးမှုမှာ လွန်စွာအကျိုးအမြတ်ရရှိသော အလုပ်ဖြစ်နေပြီး ၂၀၁၁ ခုနှစ်အတွင်း ဖြစ်ပွားခဲ့သော လူကုန်ကူးမှုများတွင် ချစ်သူရည်းစားအဖြစ် ဟန်ဆောင်လက်ထပ်ပြီးမှ တစ်ဘက်နိုင်ငံ သို့ ရောင်းစားသည့် နည်းလမ်း အထူးတွင်ကျယ်ခဲ့သည်ဟု ရဲမှူးကြီး ရာလျံမုန်း(အငြိမ်းစား)က ဆက်လက် ပြောကြားခဲ့သည်။

'' အချို့က မိန်းကလေးကို ချစ်သူရည်းစားဟန်ဆောင်ပြီး တစ်ဘက်နိုင်ငံရောက်မှ ရောင်းစားရုံသာမကပဲ လက်ထပ်စာချုပ်မှာလတ်မှတ်ထိုးပြီးမှတစ်ဘက်နိုင်ငံကိုခေါ်သွားပြီး ရောင်းစားတာတွေရှိတယ်။ တောင်ကြီးသားတစ်ယောက်ဆိုရင် အဲဒီလိုရောင်းစားနေတာ ကိုးယောက်မြောက်မိန်းမကျမှ မိတယ်'' ဟု ၎င်းက ပြောသည်။

တရုတ်နိုင်ငံသို့ လူကုန်ကူးမှုတွင် အမျိုးသမီးများကိုသာမကဘဲ ကလေးသူငယ်များကိုပါ မွေးစား ရန် ရောင်းချခြင်းများရှိနေကြောင်း သိရသည်။မြန်မာနိုင်ငံတွင် ဖြစ်ပွားသည့် လူကုန်ကူးမှုများ၏ ၇၀ ရာ ခိုင်နှုန်းမှာ မြန်မာအမျိုးသမီးများကို တရုတ်နိုင်ငံသို့ အဓမ္မလက်ထပ်ရန် ပို့ဆောင်ရောင်းစားခြင်းဖြစ်ကြောင်း သိရသည်။

၂၀၀၆ ခုနှစ်မှ ၂၀၁၂ ခုနှစ် နိုဝင်ဘာလအထိ လူကုန်ကူးမှု ပေါင်း ၈၈၅ မှုကို ဖော်ထုတ်နိုင်ခဲ့ပြီး လူကုန် ကူးတရားခံ ၂၄၅၃ ဦးကိုလည်း အရေးယူနိုင်ခဲ့ကြောင်း သိရသည်။

  Eleven Media Group