ကျွန်းပိုင်ဆိုင်မှု အငြင်းပွားသည့် နှစ်နိုင်ငံကြား တင်းမာမှု မြင့်တက်လာပြီး တရုတ်တွင် ဂျပန်ဆန့်ကျင်ရေး ဆန္ဒပြမှုများ ပြင်းထန်လာသည့်အတွက် Suzukiက အခြေအနေကို စောင့်ကြည့်နေရန် ဆုံးဖြတ်လိုက်သည်။ တရုတ်တွင် ဆန္ဒပြသူများက ဂျပန်လုပ် မော်တော်ကားများကို ရပ်တန့်စေကာ ဖျက်ဆီးမှုများ ပြုလုပ် သည်အထိ မုန်းတီးမှုများ မြင့်တက်လာခြင်းကြောင့် Suzukiသည် မော်တော်ဆိုင်ကယ်များ ဆက်လက် ထုတ်လုပ်ခြင်း မပြုသေးဟု အတည်ပြု ကြေညာလိုက်သည်။
(တရုတ်နိုင်ငံမှ ဂျပန်ဆန့်ကျင်ရေး စုရုံးဆန္ဒပြမှုတစ်ခု)
ရှန်ဒေါင်းခရိုင်ရှိ ဂျီနန်တွင် ဖွင့်လှစ်ထားသော မော်တော်ဆိုင်ကယ် စက်ရုံတွင် လုပ်ငန်းအားလုံး ရပ်ဆိုင်း ထားကြောင်း Suzukiက အတည်ပြုခဲ့သည်။ အင်္ဂါနေ့မှ စတင်ပြီး မိမိတို့ ဆိုင်ကယ်ထုတ်လုပ်မှုများ ကို ပြုလုပ်မည် မဟုတ်ဟု တိုကျိုမှ Suzuki ပြောရေးဆိုခွင့်ရ အရာရှိဖြစ်သူ အီမိုချီဇူကီက ပြောကြား ခဲ့သည်။ သို့သော်လည်း အဆိုပါ စက်ရုံ ပြန်ဖွင့်မည့် နေ့ကိုမူ မဆုံးဖြတ်သေးဟုလည်း သိရှိရသည်။
No comments:
Post a Comment